7仔預購站直送日台當造水果 預訂父親節大餐蛋糕

黛安鍾意食生果，聽聞7仔預購站今期會引入直送嘅至「鮮」當造水果，例如日本山梨縣青秀級白桃、台南愛文芒果、泰國金枕榴槤同干腰榴槤，即日起至本月15日，可瀏覽7仔預購站選購，到7-Eleven付款後，用手機掃描收據上嘅二維碼就可以登記送貨喇！

另外，父親節就快到，7仔預購站亦搜羅咗預購價$798嘅4至6人分量嘅七海藏極尚和牛燒肉餐，同預購價$1,288元嘅4人分量七海藏足料澳洲龍蝦海鮮餐，一家人留喺屋企慶祝都可以大快朵頤，即日起至15日前可預訂。同場仲有Häagen-Dazs™全新「威過威士忌」及「古董錢七」父親節蛋糕，啱晒送畀有品味嘅父親，即日起至下星期二（8日）就可以預訂喇！