恒地商場親子智能戰繩賽 贏取$60萬巨獎

父親節就快到喇，黛安知道，恒基地產旗下多個商場由即日起至本月20日，每逢周末都會舉辦「親子智能戰繩香港巡迴賽」，只要登記成為商場H‧COINS會員，就可以同爸爸免費參加遊戲，有機會贏取總值接近$60萬嘅豐富巨獎！

巡迴賽舉辦期間，各商場會先後設置智能戰繩機，各位爸爸需要同16歲以下嘅仔女合作，跳入遊戲世界打怪物，闖關爭奪最高排名。凡參加比賽，即可以獲贈$60商場購物及餐飲電子禮券。

至於每個商場最高分嘅冠軍親子組合，仲可以獲贈100,000商場H‧COIN，可以用嚟換領商場電子禮券及豐富禮品，以及AME Stadium全民運動會通行證2張。如晉身巡迴賽成為總冠軍，仲可以獲得$1,000商場電子禮券、$1,400 AME Stadium全民運動會通行證4張，可到電競館潮玩5項運動，包括單車、拳擊、滑雪、划艇及賽馬。同場仲提供「SUPER DAD」、「最佳拍檔」等語句嘅拍攝小道具，可以同爸爸一齊影靚相。