萬寧夥拍OLIVE YOUNG 引入熱門韓國美粧產品

疫情下黛安已經好耐無得返「鄉下」朝聖，聽公關姊妹報料，萬寧最近同韓國最大健康及美粧連鎖店OLIVE YOUNG合作，喺300幾間萬寧分店和網店引進韓國3大熱銷品牌、超過100款人氣產品，以後唔使搵代購都可以喺香港買到喇！

以前黛安每次去韓國，必定要去OLIVE YOUNG掃貨，佢哋由美粧到健康產品都應有盡有，而且出名平靚正。公關姊妹話，今次OLIVE YOUNG首批進駐萬寧嘅品牌，包括人氣綠色植萃護膚品牌BRING GREEN、科研醫學抗皺護膚品牌BIO HEAL BOH，同埋韓國大熱超強彩粧品牌WAKEMAKE，大家除咗可以親身去萬寧10間旗艦店嘅品牌專櫃試用外，仲有專業美粧顧問即場指導大家化韓粧嘅心得同技巧㖭，認真細心。

公關姊妹話，嚟緊萬寧會陸續推出唔同推廣活動，等各位韓粉就算無得去韓國，都可以用韓國產品齊齊扮靚。