林曉峰康子妮同場賀大仔畢業 離婚無損親人感情做盡責父母

林曉峰（阿Lo）和康子妮（Lily）去年離婚，結束18年婚姻，二人共同照顧囝囝仔仔林寶及林熙，對兩名兒子嘅愛都冇減退，親情永在，係一對盡責嘅父母。

{{hket:inline-image name="119106170_166941134983973_7953521950646358738_n.jpg"}}{{/hket:inline-image}}

昔日合照。（IG圖片）

每逢阿仔嘅人生重要時刻，例如生日咁啦，兩人都會再次「合體」，好似昔日一樣一家人慶祝，做唔成夫妻都唔使做仇人呀！康子妮昨日喺IG上載現年17歲嘅林寶中學畢業典禮花絮照，戴住四方帽嘅大仔生得高大俊俏，大個仔喇！康子妮拍埋大仔度好細粒，依偎喺呢個前世情上嘅胸膛上，睇得出佢又開心又甜蜜！

雖然康子妮上載嘅相只見佢同一對寶貝仔，但其實前夫林曉峰都在場，後者都有上載同阿仔嘅合照，同康子妮po嘅係同一個角度、場景；不過睇嚟一家四口嘅「全家福」之後都難再見到嘞！

（點擊圖片放大）

44歲康子妮回復單身後，發展音樂事業之餘，亦轉投保險業成為top sales，對17歲大仔林寶和16歲細仔林熙同樣照顧周到，時刻提醒兒子要力求進步，嘗試不同的新事物以發掘興趣；最近大仔獲時裝品牌邀請拍攝硬照廣告，Lily做跟得媽媽監察過程，影低花絮照片分享。

阿Lo一直付出8成時間與兒子相處，覺得工作係做唔哂嘅，最重要都係人同人之間嘅關係，所以放好多時間陪仔，有時仲會帶埋佢哋返工。兩個仔同老竇friend到拍拖都可以講。阿Lo早前大爆兩子都係A0（A意指Available、單身；數字代表拍拖次數），話如果自己日後有交往對象都會同兩個仔分享咁話。