廖慧儀公審跟蹤狂反遭網民圍插 「而家係被人影嗰個錯咩？」

「狂野空姐」廖慧儀（Jessica）由參選港姐至今負面新聞多多，落選冇耐之後被指偷食「後生仔」孔德賢（Danny）狠飛男友Sam，去年年底Sam疑受情困墮樓亡；廖慧儀受盡千夫所指，自此閉關不見人，原本準備喺娛圈大展拳腳嘅佢現已轉移陣地，主力做瑜伽導師維生。

{{hket:inline-image name="02133442s2jb.jpg"}}{{/hket:inline-image}}

廖慧儀早排恢復更新佢嘅IG，昨日出Post大呻自己遇上不愉快事件，自揭被人跟蹤兼偷影，直斥對方係垃圾，「垃圾！偷影完人我報警佢驚到跑走，問佢實話冇，但係死都唔開電話，冇做過點解要跑幾條街走？」

廖慧儀似乎非常忿忿不平，之後再出多一個Post話當時冇人伸出援手，「頭先明明見佢跟住我，影我，我出聲問佢，佢唔認，我只可以即刻報警！我好大聲叫佢唔好走，但最後冇人幫，畀佢衝紅燈走甩咗！我知道好多女仔都被戀態偷影過，只係有人遇到呢啲情況都選擇唔出聲，由得佢。但畀我再返番去嗰個Moment，我都會去出聲、去追。點解畀人任影、畀人跟蹤、畀人騷擾但唔出聲？而家咩年代？依家係被人影嗰個錯咩？」

（點擊圖片放大）

不過好多網民都「對人唔對事」，重提佢疑似間接令到前男友Sam自殺身亡，更指香港冇肖像權，就算影佢都冇問題，「唔影得咪唔好出街囉」、「有人因為佢自殺死咗，都可以若無其事咁繼續生活」、「呢種人唔抵可憐」；又有人指佢嘅衣着「引人犯罪」……都有理性網民留言嘅，指一件事還一件事，唔應該因為佢嘅過去而鼓吹偷拍歪風，更加唔應該指責受害者。