綠色炸彈｜家姐填稅單擸父母免稅額 港女不滿：爸媽我都有份養

相信大家近日都收到由稅務局寄來的「綠色炸彈」，如果家中有兄弟姐妹，彼此之間又會否爭奪供養父母的免稅額？一名港女日前在網上大呻，指姐姐以畀得較多家用及自己人工較高為由，要求在報稅表上填寫父母的免稅額。對此，事主大感不滿，直斥家姐自私：「爸媽我都有份養！」

該名港女周二（11日）在「香港討論區」以「家姐話睇死我唔洗（使）交稅，佢要晒爸爸同媽媽免稅額」為題發帖，指之前她與姐姐報稅時都會各自填寫爸爸媽媽的免稅額，

「咁的確我上年係唔使交稅（因為搵唔多），但我今年轉咗工，人工多咗，都有機會要交稅！」

事主坦言與姐姐比較，人工確實是不夠對方高，而且家用對方亦畀得較多，「我搵錢係唔夠佢多，但係佢之往（前）都係交幾百蚊左右嘅稅，之後仲有退稅！佢又有捐錢畀嗰啲慈善機構，個免稅額實多過我！點解佢咁樣睇死我，同咁自私！」

「問題係佢態度好乞人憎，佢拎晒爸媽quota（限額），要我自己交稅！」她向姐姐反映不滿後，對方直指自己家用畀得較多，因此絕對不會與她分享父母的免稅額，又著事主如果要交稅的話「自己搞掂」，令她大為不滿：

「咁如果我因為咁而要交稅，點解唔係大家share（分享父母免稅額）？爸媽我都有份養！」

網民：一百幾十都要嘈到面紅耳赤

此事引來網民熱議，不少人著事主兩姐妹可用稅務局的稅款計算機，先計算「最著數」的方案，才決定誰獲得父母的免稅額；有人又建議，各自填寫爸爸或媽媽的免稅額是最公平的方法。此外，有網民又以一句說話來「調停」兩姐妹的紛爭：

「算啦，嗰一百幾十，都要嘈到面紅耳赤咩......」

 （↓點擊圖片放大↓）

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

責任編輯：李凱晴