吉列脆雞飯TASTIC 接力登場 麥當勞App落單慳$3

麥當勞「汁燒牛肉飯TASTIC」上個月底回歸，相信大家都食得津津有味，但係驚喜陸續有嚟，黛安知道，即日起另一款新口味「吉列脆雞飯TASTIC」會接力登場，金黃酥脆嘅原塊吉列脆雞腿被珍珠米飯餅鎖緊惹味肉汁，並有爽脆椰菜絲同日式炸物甜酸醬點綴，唔止口感豐富，仲有精美包裝盒裝住，可以一次過滿足晒打卡同歎美食嘅雙重願望呀。

公關姊妹話，「汁燒牛肉飯TASTIC」與「吉列脆雞飯TASTIC」會同步供應，黛安仲收到風，今日起麥當勞App趁住「吉列脆雞飯TASTIC」登場，會送出多款電子優惠券，當中包括「吉列脆雞飯TASTIC套餐減3元優惠」及「39元從不孤單一人快樂晚餐」，後者更可選「汁燒牛肉飯TASTIC」或「吉列脆雞飯TASTIC」㖭！

要做個精明消費者，黛安就建議大家用麥當勞App落單，買滿30元再透過PayMe付款，仲可享全單9折；如果以中銀信用卡付款，亦可享10%現金回贈㗎，實行麥麥食麥麥慳！