大提琴家李垂誼 暢談「超時空」音樂理想

古典音樂如何超越時間及空間，打造出「新音樂」？國際大提琴家李垂誼早前接受咗馬會《駿步人生》訪問暢談自己睇法，黛安都深有同感。佢話古典音樂聽嚟聽去都係個幾首，難免聽到厭，寄語年輕人，「21世紀音樂家一定要尋找新曲目，或者用新方法演繹。否則你的音樂就永遠發展不了。」

李垂誼喺華人古典音樂界好出名，佢喺訪問中分享，音樂家最大支柱唔係社交媒體有幾多like，而係音樂廳嘅聽眾。佢近年回港成立咗「垂誼樂社」，又開展「賽馬會樂・憶古蹟」計劃，讓本地年輕音樂家喺大館等古迹建築內演出。佢仲寄語一眾父母，當孩子學音樂到某個階段，孩子便要思考下一步：「一定要自己去發現為何喜歡音樂」，因為這樣才能繼續發展下去。