謝玲玲5子女勁孝順遺傳精緻五官 與林建岳離婚26年仍照顧前奶奶

去年確診新冠肺炎嘅林建岳前妻謝玲玲，情況一度轉為嚴重，幸好留院26日後情況轉為穩定，到12月中出院，其後她深居簡出，很少再在公開場合露面，不過都有不時更新社交平台，日前佢就同細女去到荃灣汀九灣沙灘歎酒兼享受陽光，非常識享受。

{{hket:inline-image name="182885632_999199194231122_6211065715935794187_n.jpg"}}{{/hket:inline-image}}

現年64歲嘅謝玲玲暱稱「婉君表妹」，童星出身的台灣女演員，曾獲頒兩屆金馬獎最佳童星獎；成年後亦有演出。1980年嫁予富商林百欣次子林建岳，自此息影，但於1995年離婚。二人育有五名子女，包括長子林孝賢同一對龍鳳胎。婚後林建岳仍然緋聞不斷，有傳佢為追求王祖賢而提出離婚，1993年林謝二人協議分居，1995年正式簽字離婚。

林建岳嘅父母都非常喜歡呢位媳婦，兩老更拍板予謝玲玲當時創記錄嘅4億贍養費，至今謝玲玲仍然與前婆婆林余寶珠保持住最密切嘅關係，余寶珠同謝玲玲更互相以「永遠的婆婆（奶奶）」同「永遠的新抱」稱呼，大時大節都會同一班兒孫四代同堂慶祝，關係非常微妙。

（↓點擊圖片放大↓）  

離婚後謝玲玲運用當年豪門中學到嘅經商之道及離婚賠償金，活躍於房地產投資，現今係個商場女強人，又活躍在社交圈，參加跳舞比賽，年過六十仍舊婀娜多姿。佢嘅子女都遺傳媽媽美貌，眼大鼻高，五官精緻且氣質出眾，幾乎都係名牌大學畢業。大女兒林恬兒，嫁咗之後大部分的時間都放喺家庭上，而大仔林孝賢早年曾與鍾欣潼等女明星傳緋聞，但現時冇再出現在喺娛樂版，更多的時候係管理家族集團。

圖片來源：Instagram