193敢言反擊爆紅｜ 曾志偉生日避談風波與老友慶祝 無綫FB出漫畫自抽嘲高層身高

無綫與ViuTV近日正面交鋒，在過去的周日（11號）晚，前者以綜藝節目《開心大綜藝》對撼ViuTV的《最後一屆口罩小姐選舉》。無綫高層曾志偉受訪時指ViuTV收視得四點，題材偏門，只能與J2台比較；之後ViuTV組合ERROR成員193（郭嘉駿）反擊直指兩台觀眾群不同，「收視得幾百部電視機，我哋唔會理。J2係做咩？係咪40幾歲仲做緊《#後生仔傾吓偈》？」擺明寸主持《#後生仔傾吓偈》的陸浩明，因他今個月尾就會滿42歲。

{{hket:inline-image name="d75e7f83-ec1a-4456-bb95-675e50c5f136_600.jpg"}}{{/hket:inline-image}}

{{hket:inline-image name="sdv.jpg"}}{{/hket:inline-image}}

事後193獲不少網民力撐，他的IG帳戶粉絲數量亦暴增，其言論亦成為城中熱話，甚至有網民建議曾志偉與王祖藍可在《開心大綜藝》中「騎膊馬」扮193。而193經理人花姐（黃慧君）回應傳媒時指193性格一向直率，又表示志偉為人大方，相信不會生氣。昨日（4.14）68歲生日的曾志偉快閃現身無綫藝訓班面試，沒有接受訪問，似是想避開是非？

（↓點擊圖片放大↓）

而TVB旗下的Facebook專頁「See See TVB」，昨日upload了一張四格漫畫自抽。漫畫內容講述一個BB剛出世，新手爸爸想要帶BB上《#後生仔傾吓偈》，更對BB說：「幫手拉低平均年齡吖」。可是BB卻回應：「貴台啲高層咁高大無謂入嚟拖低平均身高啦。」自抽意味甚濃。

而負責出該post的小編在caption說：「贏咗年齡，輸咗身高，值得咩？」，更hashtag「#唔好炒我 #後生仔搞吓Gag啫」，網民紛紛留言「玩命咁話啦喎」、「希望聽日仲見到有新帖發布」、「大膽啦你」、「識得幽自己一默」、「厭世博炒系列」。有人更笑言「如果你哋See See TVB上到TVB做主力，啲口碑即刻返晒嚟」。

（↓點擊圖片放大↓）

Facebook專頁「See See TVB」在2016年10月開設，諧音與網民「謔稱」CCTVB一樣。據知專頁由無綫旗下的「無記網」公司營運，而當中發布的內容都是與無綫的節目有關，亦不時惡搞節目內容。

{{hket:inline-image name="tvbbb.jpg"}}{{/hket:inline-image}}

開心大綜藝│王祖藍扮林鄭惡搞疫情記者會 曾志偉邀姜濤亮相被拒照抽水 【下一頁】