青春不要臉｜用完口罩水樽棄郊野公園草地 驚見TVB劇本「可唔可以有啲手尾？」

疫情下不少市民選擇往郊外度過假期，但「冇手尾」遺下垃圾情況就時有發生。有網民就於Facebook發文，稱往郊外遠足時發現有人在草地上遺留大批垃圾，除常見的空水樽、紙巾等雜物外，更赫然發現一份電視台拍攝劇本，令事主甚為意外。

行山驚見大袋垃圾 包括《青春不要臉》拍攝稿

事主估計，垃圾被遺留日期應為上周四（1日）早上。據事主上載相片所見，該批垃圾包括用完的口罩、濕紙巾、膠水樽及膠袋等等，除此之外更有一疊釘好的A4紙，細心一看竟是TVB青春劇《青春不要臉》的拍攝稿，上面寫滿各演員台詞甚至劇組人員電話號碼。事主見狀則感嘆稱：

「青春不要臉的劇組，可唔可以有啲首（手）尾？」

（點擊圖片放大）

相關事件及行為於網上引起熱議，不少網民揶揄稱TVB另一節目《東張西望》大可以此作為題材，有人則建議事主直接以劇本上的電話聯絡當事人「叫佢執番」，甚或乾脆「報食環」處理。

監製回應事件：「我代表劇組講對唔住！」

《青春不要臉》節目監製林肯接受《晴報》訪問時表示，今早得知事件後已安排劇組人員重回現場，將遺留之垃圾袋及用完物資帶走。林肯指當日拍攝其實由早上7點開始一直至晚上7點，離開時天色經已入黑，落山時只靠電筒燈光照明，故執拾時疑因光線不足而未發現遺留垃圾。他又指已提醒全組人員在每一個場景如見到垃圾就要幫忙清理，或通知場務組，

「清潔香港，人人有責！我哋責無旁貸，再次多謝你（網民）俾機會我可以處理番個失誤。」

責任編輯：鄭禮賢