怪獸家長？｜陳倩揚被爆迫仔短時間考5級小提琴 澄清是一場誤會：最重要因材施教

陳倩揚2008年參選香港小姐奪亞軍後入行，2010年與拍拖8年的男友陳浩然結婚，婚後誕下2仔1女。她近年主力主持節目及擔任活動司儀，在專注工作之餘，亦親力親為照顧子女。

{{hket:inline-image name="148670122_450451466131419_5483912736788454481_.jpg"}}{{/hket:inline-image}}

不過近日有網民於社交網上爆料，指某女藝人司儀為催谷兩個仔入名校，要求小提琴老師用幾個月時間去教囝囝學五級考試歌，博囝囝成功插班入名校。帖子中又指：「唔好見呢位女藝人司儀平時冇嘢咁，之前又話自己唔chur兩位公子，實際上不知好chur，而且機心好重，唔好畀佢呃到大家」。

該網民更公開該音樂學校的社交網網址，內裡寫道：「陳倩揚寶貝仔陳羲廷（Auryn）跟隨本校小提琴主任學習僅數個月，於今年2月考英國皇家音樂學院五級小提琴並獲得Merit佳績。」一班網民隨即議論紛紛，有人指陳倩揚係怪獸家長，力谷小朋友；又有人認為就算想幾個月谷到個仔考到5級，本身小朋友都要有天份。「如果一個小朋友冇天份，點chur都無用」﹑「證明佢小朋友小手同睇譜都幾叻」﹑「幾個月可以考到5級真係好叻仔」。

（↓點擊圖片放大睇↓）

對於被指對子女好Chur兼且是「怪獸家長」，倩揚回應本報時強調明白孩子的資質：「其實點講都會繼續發酵，我認為最重要是因材施教，每個父母都知道自己小朋友的能力！」她又希望各界不要標籤「怪獸家長」，始終父母才明白子女及對他們的愛。倩揚稱：「我認為最緊要一家人相處得好，就算自己被標籤亦唔會有hard feeling！」

{{hket:inline-image name="164068201_284296693062649_7777809012729408842_n.jpg"}}{{/hket:inline-image}}

提到該音樂學校描述Auryn僅上堂幾個月已成功考獲五級小提琴佳績，對此倩揚解釋只是一場誤會：「Auryn喺一年班已經參加興趣班玩咗幾年，不過無穩定跟老師，轉咗去呢間學校就跟老師上咗幾個月堂，其實佢並非由零開始考到五級！」她又指與學校的老師非常投緣，兩位兒子也愛拉小提琴：「我見佢哋都好有興趣，好期待上堂，二仔起床會主動拉BB版《Star War》、《多啦A夢》！大仔都會拉跟老師學嘅曲目！（大仔成功做名校插班生？）自己咁多年來對子女都保持私人空間，無提過佢哋讀乜嘢學校，所以都唔想講太多！」

{{hket:inline-image name="165325961_284296609729324_5745215117061561751_n.jpg"}}{{/hket:inline-image}}

【母親節】陳倩揚在職媽媽照樣湊掂三仔女「怪獸家長唔一定係負面嘅」 【下一頁】