陳倩揚自從今年年初減肥成功後，常以「過來人」身份分享低醣飲食餐單及生活，並開設減肥團，希望用群體力量互相支持，幫大家輕鬆減肥。經歷短短三個多月的時間，減肥團已經累積過萬名組員，他們在小組中分享自己的餐單和菜色之外，更會分享自己的成果照片，不少人都減磅甩肉非常成功，令倩揚都極之感動。
昨晚倩揚在個人YouTube Channel上載影片，原來是為了表揚編號#0001學員Karly的減肥成果，她特別為對方炮製驚喜，就是為她安排影婚紗相，Karly直言生完兩個小朋友之後，身材走樣，一直不敢面對自己，所以連影全家福都甚少。
相關新聞：【靚媽自強】陳倩揚靠低醣飲食成功K.O.17磅 號召減肥團嚴選食物可食足三餐
(圖片：陳倩揚Facebook )
（圖片：陳倩揚YouTube Channel影片截圖)
（圖片：陳倩揚YouTube Channel影片截圖)
（圖片：陳倩揚YouTube Channel影片截圖)
（圖片：陳倩揚YouTube Channel影片截圖)
（圖片：陳倩揚YouTube Channel影片截圖)
片中，倩揚假裝約Karly去做運動，但原來為她準備拍婚紗照，換上婚紗的Karly大為興奮，事關終於回復纖瘦的身形，又弗又靚。在拍照期間，倩揚低調地安排Karly的丈夫和兩位千金到場給她驚喜，丈夫Edward更發表愛的宣言，一邊喊一邊答謝太太，他說：「多謝你咁辛苦，生咗兩個小朋友之外，又幫我照顧家庭同公司，今次努力減肥好有成果，辛苦你、多謝你！」
不少網友一邊睇影片直播，一邊留言感動到喊。的確，女人要照顧家庭之餘，又要保持身形，面對很大的壓力，倩揚這位「減肥教主」令一眾媽媽或者女士都能健康減肥，重拾自信。
相關新聞：【抗疫不忘抗脂】陳倩揚搵教練學做簡易運動 每日10分鐘 兩星期腰圍減2吋
（圖片：陳倩揚YouTube Channel影片截圖)
(圖片：陳倩揚Facebook )
(圖片：陳倩揚Facebook )
(圖片：陳倩揚Facebook )
倩揚接受《晴報》電話訪問，她表示自己一邊剪片一邊流淚，見證住Karly為家庭、為丈夫和兩個女兒努力，深受感動，特別是自己能夠幫忙Karly重拾健康自信，與有榮焉。
倩揚在Facebook以「能夠見証幸福 絕對係一種幸福」為題撰長文表達感受，她說：「回想上年12月嘅某一日，我同Karly講：『交畀我！Target減走20磅！』就係咁，我同Karly就開展咗呢個實驗嘅里程。由一月中開始到三月中，只係8個星期嘅時間，已經輕鬆達成目標，減走20磅！」見Karly的成果對比照，原本產後的大肚腩已經消失，四肢和臉形都明顯清減不少，她穿上同一套衣服，感覺都完全不一樣。
肚腩不見了。(圖片：陳倩揚Facebook )
Karly重著減肥前的同一服裝，外表相差甚遠。(圖片：陳倩揚Facebook )
Karly產後肚腩鬆弛的現象已慢慢消失。(圖片：陳倩揚Facebook）
倩揚續言：「呢幾個月以嚟，見證住咁多組員成功減磅，可見媽媽們若重拾自信，每人都可以變得亮麗耀眼。 衷心希望各位媽媽唔好放棄自己嘅身形，唔好覺得瘦唔返，見到咁多鼓舞嘅例子，佢哋得你都一定得。見到Karly同Edward都懂得珍惜對方嘅付出，絕對係一份難得嘅情誼。當現實嘅一對又一對情侶每日都經歷住生活上各種嘅磨鍊，往往好容易忘記咗，當初作出海誓山盟果份決心背後嘅甜蜜。穿起婚紗，彷彿又能夠回到當時，尤如情侶熱戀的那時，重拾記憶，保鮮甜蜜，手拖手，繼續幸福。」
倩揚成功為不少學員成功減磅，被封為「減肥教主」實在太合適。（圖片：陳倩揚Facebook )
陳倩揚為Karly炮製的驚喜影片：
責任編輯：楊安莉