劉佩玥變「大腳八」望落廿呎高 勁似《足球小將》長腿比例驚人

現年31歲嘅劉佩玥（Moon）喺2013年參選香港小姐奪得季軍，之後就入行做主持兼演員，受到無綫力捧。早前佢開始拍攝劇集《把關者們》，更應監製要求剪走佢一把標誌性長髮，飾演一位兼顧事業同家庭嘅年輕媽媽。Moon話佢一啲都冇猶豫，一口答應，仲話自己期待咗呢類角色好耐，非常專業呀！

{{hket:inline-image name="164339318_1087812271698572_2663018875016285704_n.jpg"}}{{/hket:inline-image}}

不過唔知係咪因為工作壓力太大，佢早前喺社交平台自爆「生蛇」，令佢感到非常痛楚，但好感恩身邊同事朋友遷就和體諒。而近日劇集已經拍攝完畢，Moon終於都可以好好休息，日前佢就同KOL「契妹」去到一間靚靚餐廳打卡影靚相；不過原來Moon外表girly，內心就好男仔頭，好多時都係被迫打卡：「是的，我係成日話佢好煩、好煩，同好煩，次次見都要搵個未去過嘅靚地方，又要影一輪相。但我發現，我同佢嘅回憶又真係儲咗好多好多，隔一陣睇番又會好開心。好啦，多謝你成日帶（強迫）我去唔同地方玩又幫（強迫）我影相嘻嘻。不過，下次畀我抖抖ok?」

大家都將focus放咗喺佢嘅大長腿上，其實身高有174cm嘅Moon一直都好了解自己嘅優點，亦一啲都唔會吝嗇，不時大曬長腿派福利。不過呢日佢嘅長腿睇落就有啲誇張，好似日本漫畫《足球小將》入面嘅角色一樣，雙腿長到唔啱比例，隻腳掌仲大到好似雪山大腳八咁！有粉絲留言講笑：「睇落有廿呎高。」不過Moon就即刻澄清自己冇做手腳：「我無p長佢㗎😂係個妹影得太好。」

（↓ 點擊圖片放大 ↓）

其實Ｍoon口中呢位阿妹並唔係佢親生妹妹，不過因為佢同Moon一樣姓劉而且仲有幾分相似，曾一度被誤以為佢哋係親姊妹；Moon同「契妹」都有post一張差唔多角度嘅相，不過Moon就冇幫阿妹影出「逆天長腿」嘅視覺效果，睇嚟影「照騙」方面Moon要多啲請教KOL妹妹喇！