疫下無比賽 劍后反思運動員責任

運動員生涯短暫，去年更被疫情虛耗唔少光陰。現年27歲嘅香港劍后江旻憓（Vivian），早前接受馬會刊物《駿步人生》專訪，自爆過去一年要閉門訓練，又無得出國比賽，難免反思運動員嘅責任。「無咗比賽，運動員係咪一種『無用』嘅職業？」好彩黛安知道佢無放棄，真叻女！

Vivian分享，喺新常態下佢每日只可以喺屋企訓練及復康，直至獲准返回體院後就唔准再外出，連家人都無得見，「未試過人喺香港，但有家歸不得。」

全年無比賽，亦令佢覺醒作為運動員嘅意義不僅在於爭獎牌，仲要「落地」輸送正能量。佢仲引用佛經故仔話學識「放下」，就會搵到快樂，寄語年輕人要保持好奇心，放膽接受挑戰，搵到目標時就要奮力邁進。