周秀娜回復𡃁模身形被踩「下垂」 網民撐真材實料:假先反地心吸力

周秀娜 (Chrissie) 當年以𡃁模身份出道，憑着其驕人身材而火速走紅，多次憑出位寫真集雄霸書展，穩坐「𡃁模一姐」之位！不過佢已經成功轉型做演員，仲好少再以性感形象示人，2018年Chrissie更憑電影《29+1》入圍第37屆香港電影金像獎「最佳女主角」，改變大家對佢𡃁模出身嘅印象。

{{hket:inline-image name="162275097_442335273547888_7430783439620810886_n.jpg"}}{{/hket:inline-image}}

不過Chrissie自2017年起，身形開始變得越來越纖瘦，心口瘦到胸骨都現埋，上圍都一併大縮水，即使着起三點式泳衣都「不復當年勇」，火辣程度大減！減成ipad胸都事小，唔少網民都擔心佢瘦到皮包骨係健康出狀況，紛紛留言叫佢要食番多啲有營養嘅嘢。

（↓點擊放大睇圖片↓）

然而Chrissie今日post出一輯相，相中嘅佢著上中空晚裝，不過心口唔再現骨，施展「鬼影變幻球」，狀態回復當年之勇，同Chrissie做𡃁模時嘅身形一樣咁玲瓏浮凸。唔少粉絲都即時畀「心心眼」，表示佢呢個久違嘅性感令人非常驚喜，留言大讚：「完美曲線返晒嚟！」、「我係女仔都覺得你好靚！」等等。不過就有位網民留言踩Chrissie嘅上圍「有點下垂」，即引嚟其他fans反擊力撐：「有人能反地心吸力？」、「假的才不會下垂」等。

其實呢位網民又何必雞蛋裡挑骨頭，雖然Chrissie而家冇咗當年嘅青澀活潑感覺，不過就多一份成熟同高貴優雅，各個時期有唔同美態！