首辦花藝市集 「花見大館」購物有賞

春天到了，到處繁花盛開。黛安收到風，知道大館會喺復活節4月2至5日期間，舉辦「花見大館」活動，設戶外花藝市集，擺滿花藝同綠葉裝飾，可以買到花茶、陶器等等，仲有購物獎賞，消費滿$1,000，就可以換領價值$100嘅現金券1張，黛安都打算約埋班好姊妹去打卡呀！

另外，喺4月1日至18日，大館嘅商店同餐廳會提供以花做主題嘅美食同生活體驗。好似Statement就推出以花卉和水果做靈感嘅下午茶，活陶嘅工作坊亦會介紹複雜細膩嘅日式花藝，新手不容錯過啊。