《皆大歡喜》re-u│廖碧兒被翻與劉愷威20年前舊情 驚爆當年無家可歸跟男方返屋企

廖碧兒（Bernice) 現身網上頻道節目《今晚有牌打》，與林文龍（龍爺）、鄧兆尊和苑瓊丹切磋牌技，這個古裝版《皆大歡喜》組合，難得相隔二十年後再次聚舊。當年Bernice演「深田公主」，跟飾演駙馬爺金年的林文龍是一對，而戲外女方和飾演其近身太監的劉愷威拍拖。

{{hket:inline-image name="33.jpg"}}{{/hket:inline-image}}

鄧兆尊、廖碧兒、苑瓊丹一齊上林文龍主持的網上頻道節目，當年《皆大歡喜》的組合難得合體。（圖片：電視截圖）

{{hket:inline-image name="42.jpg"}}{{/hket:inline-image}}

廖碧兒 (後排右四)、劉愷威 (後排右三) 因為拍古裝《皆大歡喜》而戀上。（圖片：電視截圖）

再撻Q?︳盧啟賢決斷否認與「好友」婚訊 曾傳廖碧兒為李澤楷表弟撇陳豪 【下一頁】

節目中，Berncie、苑仔、龍爺和兆尊一邊「攻打四方城」一邊談舊事，前者話《皆大歡喜》已經有20年，苑仔反應好快，不留情問：「點解你記得嘅？你同劉愷威20年？」Bernice未及回神，兆尊、龍爺已經插嘴：「未20年，19年左右啦！」

苑仔繼續借題發揮，取笑Berncie，「乜佢兩個唔係一嚟就一齊㗎咩？」龍爺好抵死以「知情人士」爆料，「佢哋唔係一開始就一齊嘅，佢哋有過程嘅......」未講到重點Bernice即時搶答︰「我唔記得啦！」龍爺笑笑口：「你梗係話唔記得啦，我記得嘛！」當年Bernice和劉愷威拍拖是公開的秘密，她笑說：「冇一齊過......唔係個個都咁講㗎咩？」

(點擊圖片放大)

苑仔咬住唔放，追問Bernice當時又要拍拖又要拍劇是否很難處理？後者表示自己當年中文不好，拍劇時花很多時間翻釋對白。苑仔表示既然兩人拍拖，劉愷威可以充當翻譯員……龍爺有「見位就入」，爆出一句：「翻翻吓就返咗你屋企啦！」Bernice笑稱︰「我都冇屋企！」

「即係你返咗佢（劉愷威）屋企？」苑仔好順口咁問，Bernice突然食咗誠實豆沙包，「係！咁皇上 (劉丹) 都喺度！」不過，一問到兩人分手原因，Bernice又東拉西扯亂答，拉埋龍爺落水，「我同咗佢一齊（劇中角色）嘛！」牙尖嘴利苑仔發功，「你同龍爺一齊？佢老婆（郭可盈）好惡喎！」難以抵擋攻勢的Bernice越說越遠，「因為龍爺老婆入埋片廠……因為佢哋要一齊拍劇……仲同傾吓狗經。」至於現階段的感情狀況，Bernice說有男士追求，當然對方並非百億身家富二代盧啟賢 ; 二人關係撲朔迷離關係，曾傳出婚訊，但最後男方劃清界線，指純屬朋友，Bernice嫁入豪門夢碎，她則說：「根本我乜嘢都冇講過，一路係佢哋 (傳媒) 亂寫！」

Bernice疊埋心水向紅酒生意發展，早已成為專業品酒師，更推出自家品牌紅酒。在ViuTV拍住林曉峰、ERROR的肥仔 (梁業) 和193 (郭嘉駿) 主持有新節目《是滴是友》 ，首集教大家食點心歎紅酒，有綽頭！

(點擊圖片放大)

撰文：衛紫敏

岑麗香佗第二胎變大懵媽媽 網民捉錯處質疑香香戴錶曬命 【下一頁】