無綫三大唱片破冰︳曾志偉向星夢歌手派定心丸一齊玩 何麗全接手星夢做樂壇新人

TVB電視城今日 (24/2) 舉行《音樂永續 樂壇同享》記者會，志偉藉此音樂計劃與三大唱片公司包括環球、華納及Sony Music「破冰」，三位唱片公司高層均有親身出席。而之前有傳志偉力邀無綫老臣子何麗全回巢，接手處埋星夢娛樂及音樂節目，何麗全今日亦現身台上，被志偉形容為「樂壇新人」。

記者會由蔡康年任司儀，先介紹IFPI國際唱片業協會 (香港會) 陳志光主席出場並講話。各唱片公司代表，歌手糖妹、李日朗、黃翊、林欣彤、何婉盈等都有參與儀式。

輪到副總經理曾志偉上台，他表示是次記者會，可以令樂壇再次百花齊放、發放正能量，他更隆重介紹一位「樂壇新人」——何麗全出場。何麗全稱呼志偉為「曾總」，他說︰「香港音樂要回歸樂壇，樂壇唔係屬於TVB，正如曾總話要百花齊放，希望可以有更多歌手參與，日後多啲喺TVB節目出現。」志偉亦向台下一班星夢歌手派定心丸，「星夢歌手可以一齊上嚟！」而三大唱片公司高層環球唱片黃劍濤、華納唱片Gordon及Sony Music的陳國偉在台上和志偉、何麗全交談，並表示感激志偉，令不同公司歌手可以多一個平台宣傳，正式「破冰」成功！

{{hket:inline-image name="56.jpeg"}}{{/hket:inline-image}}

曾志偉以TVB副總經理身分，領軍出席《音樂永續 樂壇同享》記者會。（圖片：東星娛樂）

{{hket:inline-image name="69.JPG"}}{{/hket:inline-image}}

曾志偉出動人情牌，令TVB和三大唱片公司冰封關係「大和解」。（圖片：東星娛樂）

再有大動作│傳曾志偉急煞停《聲夢傳奇》 15名參賽者未知何去何從 【下一頁】

記者會後，「曾總」接受傳媒訪問，志偉表示已有11年未有返TVB，對於成功「破冰」，他說︰「可以咁講係一拍即合，係互相需要，我哋做綜藝節目梗係需要歌手，歌手亦需要上一啲多人睇嘅節目，所以開放番畀大家，大家坐同一條船嘛！佢哋個個打電話嚟都話好好，好好冇用嘅，最重要係大家支持。（傾咗幾耐？）唔使點傾，係商量，好多嘢唔係單方面，大家有共同目的就係想樂壇好 ; 成件事對行業、歌手都好！喺疫情下更需要咁做，疫情已經令大家綁手綁腳，有啲新晉歌手一直進步當中，但係冇咗啲平台幫手，而家係最好時機。」

有指《聲夢傳奇》腰斬？志偉澄清絕無其事，「一定會再做，不過而家有咗咁多唱片公司參與，我想佢哋都參與埋一份，角色可能係導師、評審，都有業內人士加入，令到呢班小朋友（參賽者）得到更多人認同。閂埋門選冇意思，好似賽制各樣嘢做到盡善盡美時，(個節目)就會出嚟。」

（ ↓ 點擊圖片放大 ↓ ）

至於何麗全在TVB的職位，何麗全笑言：「咪係樂壇新人囉，而家最緊要做好今日呢件事先，頭先志偉提醒咗我哋，唔好忽略星夢啲歌手 ; 星夢嘅歌手我見得七七八八，問過佢哋意見，佢哋都冇話擔心因為其他唱片公司歌手加入後，會影響競爭性。」

志偉最後補充︰「佢哋(星夢歌手)都話有競爭先有進步，想同唔同歌手、監製合作，呢啲亦係我哋想做嘅嘢。其實以前TVB都有同唔同公司合作，而家星夢歌手都一樣可以！歌星係我哋重要資產，至於以後有乜嘢承諾我哋會再傾。」曾總稱會加強音樂節目的製作，不只得《勁歌金曲》，亦會將《勁歌》調回更好的播放時段。問到可會找老友譚詠麟參與音樂節目，他笑問：「邊個譚生呀？姓譚嗰個唔係咁出名，成日瞓過龍喎！（Eason陳奕迅呢？)乜神都上，財神都上呀！」
 

（ ↓ 點擊圖片放大 ↓ ）

撰文：衛紫敏

《天天開運王》︳鄭俊弘何雁詩千呎愛巢曝光 巨型梳化惹血光之災點化解？【下一頁】