尊重他人｜8歲兒患妥瑞症不自主眨眼搖頭 遭惡婦當街鬧「傻仔」崩潰痛哭 港媽挺身護子

每個父母都想子女健康成長，若不幸患上疾病及被人歧視，更感心傷。一名港媽早前與8歲兒子逛街，由於兒子患有妥瑞症，會不由自主地眨眼、搖頭和做鬼臉等；雖然未有影響他人，但旁邊一對母子卻出言侮辱：「好心傻嘅就唔好帶出街啦！」事主聞言後隨即反駁，未料再遭對方大罵「死傻仔」；其子難忍冤屈當街痛哭，令事主十分心痛。

一名港媽日前向Facebook專頁「生仔要考牌系列」投稿，透露她育有一名8歲兒子，於6歲時確診患有妥瑞症，會不由自主地眨眼、搖頭和做鬼臉，情況不算太嚴重，不會影響他人。然而，她上月帶兒子到銅鑼灣覆診，一同欣賞仍未拆下的聖誕裝飾時，碰巧遇上一對母子在旁觀賞聖誕裝飾。期間，事主兒子不自主地搖頭，身旁的小朋友見狀即詢問其母：「媽咪，點解佢係咁搖頭嘅？你睇吓，佢塊面好似抽筋咁呀。」其母竟然回答：

「佢可能傻㗎，唔好企咁近，費事佢突然打人。好心傻嘅就唔好帶出街啦，影響到人點算？」

婦人斥妥瑞症患者「傻仔」憂傳染

事主聞言後怒火中燒，向對方解釋兒子是妥瑞症患者，行為上的確與其他小朋友不同，「但你哋有你哋睇，我哋有我哋睇，究竟影響到你乜嘢？」未料對方反擊道：

「嘩！會唔會傳染㗎？你咁黑心嘅，我個仔企喺你個傻仔隔離咁耐，又傻咗咁點算，真係自私！」

事主表示，其子並非「傻仔」，反而較一般小朋友聰明，學校成績更名列前矛，「我個仔係大腦內嘅多巴胺受體過度活化，所以會咁，你唔知，我而家話你知！」她續指摘對方沒有做好身教，既無知又沒有口德，

「當住我哋面前又話傻又話傳染，會令我仔好難受。為人父母，身教同口德好重要，做番個有人品嘅媽咪啦！」

兒子受辱痛哭  港媽心痛籲社會多包容

然而，對方未有反省自己的言行，甚至拋下一句狠話後才離開：「讀特殊學校呀，死傻仔，癲嘅生個傻，啱啱好！」其後，事主的兒子忍不住當街痛哭，她見狀後大呼心痛，在文中向該名媽媽隔空喊話：「太太，唔知你睇唔睇到，你隨口幾句說話，可以令人好崩潰！」她又希望社會大眾能包容妥瑞者患者，勿再歧視他們，

「妥瑞症係唔會傳染，希望大家多啲了解。唔明或者唔了解無所謂，起碼見到呢類小朋友，唔好再傷害佢哋嘅心。本身佢哋已經好辛苦，但願唔好再有人用難聽嘅說話去傷害佢哋嘅心，真係好難受！」

網民怒轟婦人無品缺德

帖文引起大批網民熱議，紛紛留言怒斥該名婦人「心地唔好」，又大讚事主為兒子挺身而出，是好媽媽的表現：

（↓點擊圖片放大↓）

妥瑞症小資料

根據香港藥學服務基金資料，妥瑞症（Tourette Syndrome）是一種神經疾病，通常在2至15歲童年時期病發。患者會不自主地出現聲音型和運動型抽搐，包括不停眨眼、面部抽搐、聳肩、搖頭、手腳抽動、不自主地重複詞語及說話急促等等。 

妥瑞症通常會引發注意力不足／過度活躍症（ADHD），強迫症和其他行為問題。妥瑞症的成因至今沒有明確的解釋，但相信是由環境因素及遺傳因子異常有關。根據研究指出，患者涉及SLITRK1基因突變，影響腦部的樹突狀細胞生長。

內容獲「生仔要考牌系列」授權刊登。

7旬母捱夜照顧智障哥哥，一家長期睡眠不足 港男心痛︰我咩都做唔到，詳情即睇：【下一頁】

每朝索取《晴報》：精明生活．健康家庭．開心娛樂

撰文：賴天兒