歧視爭議｜菲女戴金器外出街坊籲小心家賊 反被網民斥種族歧視：狗眼看人低

不少新娘出嫁時都會戴上金器，但戴金器又是否新娘的專屬權利？一名將軍澳女街坊日前在網上發帖，指目睹一名疑似菲律賓女傭戴上龍鳳鈪及金頸鍊，因而提醒當區僱主檢查家中金器有否失竊，並保管好財物，「以免讓家賊有機可乘」。對此，一眾網民反斥該名街坊涉嫌種族歧視，「望一眼就知人哋係偷？」

該名女街坊日前在Facebook群組「將軍澳主場」發帖，表示自己當日與丈夫在街上，目睹一名穿上連身裙、疑似「菲律賓姐姐」的女子，左手手腕戴上3隻龍鳳鈪，頸上又戴上了金鍊。當時，其夫不禁表示「前面個姐姐結婚呀？」

對此，事主直指「睇佢唔似結婚囉」，因此呼籲當區僱主檢查一下「屋企啲金有冇唔見」。最後，她又呼籲道：

「希望大家好好保管自己屋企財物，以免讓家賊有機可乘！」

外傭姐姐穿性感睡袍通屋走，反駁女僱主10點後係私人時間，詳情即睇：【下一頁】

此事引來網民非議，由於事主關閉留言功能，因此有網民另開帖文炮轟：

「原來而家都有香港人睇唔起工人姐姐？人哋工人姐姐戴金器唔畀？乜嘢證據都冇嘅情況下就喺度開post問有冇僱主畀人偷金？要留意？話懷疑人哋偷嘢？望一眼就知人哋係偷？好心寒！狗眼看人低！」

不少網民亦留言直斥事主涉嫌種族歧視，「職業無分貴賤，如果個外傭姐姐真係偷嘢嘅，先要有證據囉！個主人如果發現畀人偷嘢，仲唔即刻報警咩」、「我上年聖誕真係送咗條成皮 (一萬元) 嘅金鍊畀我工人姐姐」、「我姑姐都成人畀人以為佢係『姐姐』，買餸畀人叫停佢話拎收據睇睇先。其實如果真係偷嘢又點會帶住啲贓物周圍走吖」、「唔明點解菲律賓人就一定係工人」、「人哋可能淘寶買啫，有平有貴嘅，原版主唔應該帶有色眼睇人」。

姐姐生日僱主送手機作獎勵，港媽自言幸運：首次請外傭便遇上她，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴