梅小惠感激舊愛曾偉權當年保護 「忘記不好的事 否則折磨自己」

54歲的梅小惠與已故藝人曾偉權曾相戀13年，兩人於1999年分手之後，小惠未再公開過戀情。曾偉權去年底因癌病離世，兩人的愛恨情仇亦已隨之而逝。小惠早前接受商台節目《1圈圈星光背後》訪問，提及與曾偉權之間的往事。

曾偉權是小惠的初戀男友兼唯一公開承認的戀人，二人1986年在亞視拍劇時邂逅，愛情長跑13年，最終因第三者介入而分手。曾偉權生前曾在訪問中承認對小惠有歉意，坦言「蹉跎了她的歲月」。對於曾偉權的歉疚，小惠表示：「佢太客氣啦，我辜負咗佢就真，我有睇過佢篇訪問，我睇完覺得佢應該放下，因為我自己本身放下咗好耐，好可能佢需要啲時間，而我自己咁睇，人生會遇到不同嘅過客，佢嘅出現係要珍惜佢畀你 (我) 嘅好事，唔好嘅事就要忘記，唔好折磨自己。」

{{hket:inline-image name="17.jpg"}}{{/hket:inline-image}}

梅小惠接受商台節目《1圈圈星光背後》訪問，分享當年拍劇和感情往事。（圖片：商台提供）

小惠對權權心存感激：「由我21歲開始佢保護住我，令我冇喺出面畀人呃，令我專心工作，畀到我一個小空間，好似有種小家庭嘅感覺，喺嗰段時間佢畀咗好多保護我，呢個係無可口非。到最後我哋要分開，亦唔係單方面嘅責任，或許我自己都做得唔好。」對於曾偉權在訪問中曾說分手前知道小惠想結婚，而他想事業做好再計劃，兩人思想有分歧，小惠說：「呢個我真係唔記得，但我相信大部份女仔拍咗拖十幾年都會諗結婚，但最後點解冇行到呢個階段，我真係唔記得，總之係有問題啦！」

小惠稱當年受分手打擊，一度變了購物狂，體重更爆跌到98磅，要一段頗長日子才復原。對於曾偉權去年患癌離世，小惠都是透過家姐梅小青才得悉消息：「事前真係唔知權權患癌，只知佢唔舒服。始終我哋交往咁耐，佢同我家人關係好好，佢走嗰日，家姐打電話問我有冇有收到消息，當時我同客戶開緊會，自己都好冷靜。到第二日記者證實消息，亦感激權權讓我有一晚嘅時間去回憶佢對我嘅好，能夠自然、真心回答大家。」

（↓點擊圖片放大↓）

《雙祥見》︳黎耀祥拍戲幸遇吳孟達救出火海 阮兆祥火燒旺地阿叻靠燒傷走紅 【下一頁】

講完過去的一段情，小惠亦分享當年與周星馳拍劇的往事：「星仔當時唔cool，其實係佢訓練到我嘅急才，同星仔拍戲，讀熟劇本係冇用，因為去到先知拍乜，喺《他來自江湖》嗰場扮樹戲，根本係冇對白！編導係李力持，次次喺現場都聽佢同星仔一齊改劇本，笑到卡卡聲。」

另外，小惠2001年開始拍古裝處景劇《皆大歡喜》，到劇集2004年開拍時裝版時，曾爆出她與同劇的趙學而因遲到傳不和，之後小惠退出劇組離開幕前，問小惠轉行是否與不和事有關？小惠說：「我哋冇不和！首先，我自己從冇遲到，但我想講《皆大歡喜》合作咗咁多年，有開心亦有磨擦，但離開劇組或離開幕前都唔關任何人事，我係覺得演戲同主持行到某個位，想走出去挑戰下自己。」

（↓點擊圖片放大↓）

撰文：衛紫敏

孫慧雪驚聞失散20年母親離世 傷心崩潰：「冇機會照顧佢…」【下一頁】