荃灣廣場&新達廣場推多重優惠 贈券戲飛福袋樣樣齊

黛安最鍾意搜羅着數優惠同大家分享，最近新鴻基旗下荃灣廣場及新達廣場就推出多重消費禮遇。例如即日起到2月28日，喺荃灣廣場消費滿$1,500，即賞$80贈券；於周末及公眾假期消費滿$4,000，更可獲得$150贈券及電影贈券1張。另外，每日5時後喺場內食肆消費滿$200，無論堂食或外賣自取，都可以換領$20購物贈券，每款獎賞每日名額有30個。

大埔新達廣場亦唔執輸，即日起到2月21日，The Point by SHKP會員喺場內以電子貨幣消費$1,000，即可獲$100商戶贈券；喺2月11日前消費滿$4,000，更可獲蠔皇鮑魚、意大利紅酒等賀年福袋乙個。優惠及福袋數量有限，先到先得。

另外，荃灣廣場今年仲聯同人氣插畫家PLASTIC THING設計咗「食得是福迎新春」大型裝置，大家可以同為食妹一齊打卡過肥年，如果以電子貨幣消費滿$800，更可以換埋為食妹利市封一套㖭！