恒生分行變「社區畫廊」 牆身插畫記載油麻地街坊情

銀行服務同市民嘅生活息息相關，最近恒生銀行趁88周年誌慶，特別將油麻地分行變身「社區畫廊」，仲請嚟藝術家將油麻地街坊嘅集體回憶通通「畫上牆」，化身一幅幅充滿玩味同地區特色嘅壁畫。

黛安最欣賞作品以簡單綫條勾劃出油麻地居民嘅生活點滴，仲滲入咗好多生果同廟街嘅元素。公關姊妹話，原來所有畫作嘅主題都係由當區小朋友決定，佢哋就揀咗果欄同廟街嚟代表油麻地，難怪每幅畫都咁地道啦。姊妹仲透露，嚟緊莊士敦道分行都會用新插畫做裝飾，仲揀咗和昌大押同利東街做主題，黛安都想快啲去欣賞啊。

另外，恒生YouTube頻道「恒生•聲星細語」最近都拍咗新片，講述油麻地分行內發生嘅窩心故事，黛安睇完都好感動，大家有時間都可【按此】睇下啦。