《東張西望》︳伯伯回鄉祭祖因疫情滯留內地 公屋單位被房署沒收無情講？

昨日《東張西望》報道將軍澳景林邨在1月初時，一個公屋空置單位被人刻意撬開，懷疑有人非法佔據。但原來事件中嘅主人公黃伯並唔係「鵲巢鳩佔」，而係背後有一個悲慘至極嘅故事。

{{hket:inline-image name="12.png"}}{{/hket:inline-image}}

【東張西望】婆婆流連街頭獲熱心市民送錢買飯 查冊揭發垃圾屋主背後係千萬身家炒樓王 【下一頁】

主持人黃耀英特地前去拜訪被指「強佔」公屋嘅黃伯，黃伯喺訪問中訴說自己嘅苦衷，原來佢係該公屋單位嘅原住戶：「舊年一月我返內地掃墓，但因為疫情返唔到香港，所以交唔到租」，黃伯指自己27年間次次準時交租，滯留期間有試圖寫信畀房屋署告知佢嘅情況，希望房屋署可以酌情處理，但房屋署就表示無收過任何信件。 最後房屋署收回公屋單位，更喺未能通知黃伯嘅情況下換鎖。 

{{hket:inline-image name="4.png"}}{{/hket:inline-image}}

黃伯喺採訪中越講越激動，聲淚俱下：「我真係畀佢哋逼到走投無路。」有家歸不得嘅黃伯甚至有諗過去警署借住，但亦都被警員因無犯罪嘅原因拒絕。窮途末路嘅佢最後選擇瞓喺單位嘅鐵閘與大門之間，大小便就12點前到公園解決。但有一次半夜絞肚痛，令黃伯毅然決定撬門入屋，黃伯呢個時候先發現原來家當全部被房署清走，令佢絕望透頂。

（↓點擊圖片放大↓）

但係亦因為呢件事，令黃伯感受到人間有愛，鄰里們得知黃伯慘況，紛紛送上各種物資予黃伯，令黃伯感慨「災無情，人間有情」。 上月初，房屋署職員更要求黃伯去臨時收容中心暫住，重新輪候公屋，但黃伯唔願意接受。直至最近，房屋署表示經過社會福利署評估之後，承諾會盡快另外編配公屋單位畀黃伯，先令佢放下心頭大石。

《東張西望》顯徑邨公屋戶遭怪鄰居踢門倒垃圾 稱被大氣電波滋擾拒絕溝通 【下一頁】