棄做護士入《東張西望》│何孟珊首日做外景主持有口福 仲有邊位主持係落選港姐？

應屆落選港姐、24歲的何孟珊（Roxanne）昨晚亮相《東張西望》，首次擔任節目的外景主持，不過有別於追訪其他社會個案，她首次出動就大有口福，事關主題是介紹限聚令之下的盆菜生意，除了訪問之外，Roxanne仲可以走入廚房試食三姐蕭秀香的「秘密」武器豬腳筋，未習慣鏡頭的她試食時竟然擰轉面背向鏡頭，又遮住嘴巴，講出試食後的金句：「煙韌得嚟又好爽口，但佢又好腍身！」後來在訪問中，Roxanne都表現得不錯，字正腔圓，不過可能有啲太拘謹。她在IG留言說：「今次真係處女下海做主持，希望有咩做得唔好嘅地方，大家多多包容啦，繼續努力繼續努力！」

【香港小姐入圍名單】空姐廖慧儀護士何孟珊辭職參選 寸嘴賴琦媛認衰會反省改態度【下一頁】

據知Roxanne和一班同屆港姐近日都有接受林溥來（Patrick）的主持訓練班，Roxanne特別在IG留言多謝Patrick Sir的教導，她說：「我都想好似你咁不但響（喺）主持方面發展得好好，並且響（喺）演戲方向都做得好得心應手，多謝曬(晒）！」Patrick Sir回應她時都有為她有新發展打氣加油！非常窩心。

【港姐2020】黃婉恩辭銀行工作宣布加入無綫 落選佳麗爭住簽TVB做「筍工」？【下一頁】

其實今屆落選港姐都紛紛簽約入行，希望可以試試自己的星途。以往落選港姐都有獲安排加入無綫娛樂新聞台做採訪記者或者《東張西望》做外景主持，吸引更多口才的訓練。以《東張西望》而言，陳庭欣和朱凱婷分別是港姐冠軍和港姐季軍外，其餘都有不少落選港姐做外景主持，合共六位，大家數得到嗎？

責任編輯：楊安莉