正所謂「遠親不如近鄰」，人人都希望有好鄰居守望相助，不過若然鄰居是惡霸，又該如何是好？
節目《東張西望》昨晚（18號）報道屯門嘉禾里村幾年前出現一名惡霸鄰居周太，不斷嚴重滋擾鄰舍高太一家，其行為亦令全村人深受困擾。高太指有種菜的周太藉此為由向其家潑「加料」施肥水；周太更越過鐵絲網爬入高太家中追打她。其他村民亦揭發周太惡行多不勝數，但就沒有如高太一家般受到「特別對待」。
究竟兩家人之間有甚麼恩怨情仇？迫使周太要做出這樣的行為？
【東張西望】山景邨老伯被揭高空掉屎彈對質 悔疚表白公開道歉 網友反應兩極【下一頁】
「惡霸」周太向高太家潑屎水。（《東張西望》電視截圖）
又把大鐵板扔向高家。（《東張西望》電視截圖）
受到威脅的高生只好潑水還擊。（《東張西望》電視截圖）
從閉路電視片段可見，周太除了向高太家潑屎水，還將大鐵板扔入高太家中。除此之外，高家的鐵絲網亦因為周太用鐵工具大力敲打以及強行攀爬而損毀，支撐鐵絲網的支柱因而斷裂，鐵絲網隨時有機會倒塌，對高太一家人身安全構成威脅。
《東張西望》顯徑邨公屋戶遭怪鄰居踢門倒垃圾 稱被大氣電波滋擾拒絕溝通【下一頁】
高太展示損毀鐵絲網。（《東張西望》電視截圖）
高太一家活在惶恐之中。（《東張西望》電視截圖）
高太家門被周太用鐵工具敲出多處凹痕。（《東張西望》電視截圖）
看見高太一家無辜受騷擾，令兩家人關係日漸惡劣，村長和村民都有嘗試當「和事佬」解決紛爭，但每次都無功而還。村長指自己曾做中間人調解，「我只可以勸喻，叫周太、高生走埋一齊傾，不過佢哋傾唔埋。（周太點樣講？）周太話：『個地方係我嘅，我鍾意點就點。』，我話唔得，係政府地嚟喎，都幾麻煩。」
《東張西望》80多歲婆婆安樂窩被賣隨時瞓街 借百萬接濟親弟姪兒恩將仇報【下一頁】
周太將「加料」施肥水「偽裝」成有機肥料，企圖掩人耳目。（《東張西望》電視截圖）
村長當「和事佬」不果。（《東張西望》電視截圖）
村民陳生亦透露周太十多年前由內地嫁到香港，指她品行欠佳，經常「就地取材」不問自取，「佢自己走去搭屋，就沿住條村周圍偷嘢，試過偷過我一架單輪車，畀我發現咗，我話要報警拉佢，佢就好驚，同我求情！我當時見佢……就當借用啦，快啲還番畀我就得，咁就放過佢。」
周太不只對外人差，對自己人原來更惡毒，陳生更大爆：「佢奶奶同姑仔都好怕佢，因為佢成日搞到家嘈屋閉，成日想趕奶奶走，想霸埋奶奶間屋，所以而家間屋佢佔好大份，趕晒奶奶同姑仔埋一邊！」
《東張西望》林映輝陪婆婆當街狂質狠心姪仔 網友大讚主持人正義願眾籌幫忙【下一頁】
村民陳生曾被「怪鄰居」周太偷走一輛單輪車，在其苦苦哀求下只好放過她。（《東張西望》電視截圖）
主持利穎怡窮追猛打，多次質問周太，不過對方防備心重，不但馬上拿起手機拍攝利穎怡一方，又惡言相向，反咬高家一口，指自己才是受害者，「我報咗警㗎嘞，警方話佢 (高生) 係虐待狂，有狂躁症，佢老婆有精神病，佢屋企啲工人全部都走晒㗎啦！我唔會回應，你問警方。（咁即係點？）警方已經證實咗佢哋有精神問題。（即係因為佢哋有精神問題，所以你滋擾佢哋？）佢哋不停騷擾我。（點樣騷擾你？）不停係咁樣整啲嘢過嚟……」
《東張西望》將軍澳行山徑變外傭「水上樂園」四處沖身洗頭亂拋垃圾隨時播毒【下一頁】
周太面對追訪非常不合作。（《東張西望》電視截圖）
周太指自己已找警方處理。（《東張西望》電視截圖）
當利穎怡問到高家如何滋擾周太時，周太含糊其詞，表現得非常不合作。高太對此十分無奈︰「因為佢講乜嘢都得，講完之後佢自己唔使負責任，連佢做嘅嘢都唔使負責任。」
質問周太不果，利穎怡亦有後著，就是找周生問個明白，怎料得到的問題竟比答案多。同時，這一問也揭露了周生、周太之間撲朔迷離的關係。周生似乎很怕對方，當周太下班回來時，本來站在門口的周生立即走到角落晾衣服 ; 而當利穎怡再次追問周生對於太太的惡行有何回應時，周太忽然爆出一句：「當佢一隻狗，叫佢睇門口，我安全就得啦！」
《東張西望》盲信投資達人舊樓裝修劏房岀租 設計離奇擁納米鋅盤超開放廁所【下一頁】
周生一味推搪，不願正面回答問題。（《東張西望》電視截圖）
等到周太下班回來，利穎怡又再追問對方，但她只說出奇怪的話，「你對我冇利用價值，我唔會接受訪問！」（《東張西望》電視截圖）
周太忽然爆出一句：「當佢一隻狗，叫佢睇門口，我安全就得啦！」（《東張西望》電視截圖）
警方和地政署曾介入是次糾紛。警方建議高家請議員或者義務律師申講法庭禁制令，若情況持續，再依照禁制令進行下一步行動。警方又指周太曾經報案，已經有專人跟進中。地政署則建議，可以於兩家中間劃出緩衝區。對於地政署的建議，高生無奈表示已經「進行中」，「姓周嗰位呀，就唔畀封住嗰個位，所以而家排期處理緊。（即係其實要搵埋周女士一齊協商？）係呀，要兩邊一齊封，封個緩衝區。而家……而家周女士唔合作，啲嘢仲處理緊……」
《東張西望》魚塘苦主聯同律師報案「大反擊」 利穎怡熱心助根叔：好人一生平安【下一頁】
採訪期間，周太報警。（《東張西望》電視截圖）
周太拒合作，高生一方亦解決不了問題。（《東張西望》電視截圖）
撰文：梁美賢
責任編輯：黃蘊姿