港鐵商埸換3D利市封 花開蝶舞迎喜慶

黛安鍾意欣賞兼收藏靚靚嘅利市封，公關姊妹話，港鐵旗下嘅德福廣場、青衣城、PopCorn、The LOHAS康城同埋連理街5大商場，今年將聯手推出3D設計嘅利市封。

今次設計以喜慶春花同舞動彩蝶為題，喺開合式嘅3D設計下，配上金色、桃色等搶眼色調，一朵朵牡丹同桃花活現眼前，至於舞動彩蝶系列，仲靚到好似蝴蝶翩翩起舞咁！

黛安睇完利市封嘅設計，都好想收藏一套，姊妹話由今個月22日至2月11日就可以喺5大商場換領，每人每日限用1,000 MTR分換領一套，日限換2套，換完即止。

好嘢當然值得期待，黛安已登記成為MTR Mobile App用戶，多啲去5大商場消費儲積分，到時就可以換多幾套啦！