麥當勞推Double招財牛堡 加$48換購Hello Kitty招財籃

今個牛年有Sanrio超人氣角色Hello Kitty陪你一齊過！黛安收到風，麥當勞1月11日起會推出招財福堡系列和Hello Kitty招財籃，祝大家新一年「麥麥」行大運！

公關姐妹話，由下星期一（11日）起，黃金脆薯牛堡和招財牛堡會搶先登場，由1月25日起，全新Double招財牛堡仲會首次加入招財福堡系列，所有招財福堡超值套餐都會配扭扭薯條或中薯條，仲可以加$8升級做大大啖組合，加配全新開運橙雜和增量裝扭扭薯條，新一年特別有食神啊。

麥當勞亦會以優惠價推出全新行運孖堡2人餐，包括2款主食、2件脆香雞翼、1個紅豆批、1份增量裝扭扭薯條和2杯中汽水，一次過歎盡多款美食。推廣期內購買任何招財福堡超值套餐，仲會送你一套4款設計精美嘅利市封㖭。

另外，1月11日上午11點起，只要買任何食品加$48，就可以換購Hello Kitty招財籃喇。麥當勞App特選用戶仲可以優先預購，即日起至周日（10日）就可以預先購買Hello Kitty招財籃喇。