預告缺席頒獎禮│陳展鵬兩年無劇出無緣角逐視帝 唔睇好王浩信反而揚言要撐前輩

《萬千星輝頒獎典禮2020》將於1月10日舉行，早前有報道指無綫為了造就王浩信再次奪得視帝寶座，刻意抽起原本排好要出街的劇集《唐人街》，令陳展鵬最終無劇出街，無緣角逐「最佳男主角」一獎。陳展鵬今日出席劇集《黯夜守護者》試造型活動，提到已經連續兩年未獲台慶頒獎禮提名，近日有傳他將會缺席下月舉行的頒獎禮？展鵬說：「我未收到公司通知，如果公司想我出席，我都會出席嘅，其實都兩年冇出席。冇劇出，所以今年都應該唔會，等下年先出。」

【結婚2周年】陳展鵬同太太單文柔撐枱腳慶祝 食飯唔專心被警告 隔空放閃補鑊【下一頁】

{{hket:inline-image name="c3971cca-5125-476d-a182-b95f761566f4.jpg"}}{{/hket:inline-image}}

陳展鵬預告或會缺席今年《萬千星輝頒獎典禮》。（東星娛樂)

{{hket:inline-image name="DSC_4155.jpg"}}{{/hket:inline-image}}

一眾演員為新劇《黯夜守護者》試造型，陳敏之企正中間，男主角陳展鵬同袁文傑都要靠邊站。(《晴報》林良明攝影）

（↓點擊圖片放大↓）

陳展鵬等足兩年都冇劇出，相反王浩信今年先後有三部劇集出街，分別是《反黑路人甲》、《踩過界II》及現正播放的《非凡三俠》，而張振朗及高海寧更是分別一年五劇和四劇，蔡思貝亦有三劇在手，不少觀眾都反映睇到嘔。問到展鵬有冇唔開心？他說：「咁又冇，反而係良性，唔好話觀眾，如果一年有3、4套劇出街我自己都覺得攰，角色亦好難有大發揮，我之前就係咁。呢兩年畀我靜咗，觀眾可以多啲選擇，公司又可以捧新人，係好事。」

陳展鵬表示已經先後完成《唐人街》、《逆天奇案》和《超能使者》的拍攝工作，希望公司不要一下子全部推出，對於有傳無綫此舉是要造就王浩信再封視帝，展鵬話中帶骨說：「梗係唔會啦，你問我反而驚劉丹多啲，浩信都攞過啦，佢啲劇都好多觀眾鍾意，自己會支持一啲未攞過嘅演員攞。」

{{hket:inline-image name="93825a78-39da-4f06-8e3d-d152eecd09db.jpg"}}{{/hket:inline-image}}

陳展鵬皺晒眉咁，係咪嬲豬？(東星娛樂）

{{hket:inline-image name="540x303.jpg"}}{{/hket:inline-image}}

陳展鵬對上一部播出的劇集已經是2018年的《天命》（網上圖片）

{{hket:inline-image name="HA.jpg"}}{{/hket:inline-image}}

劇集《唐人街》已經拍完好耐，不過一直未出街。（網上圖片）

{{hket:inline-image name="vin4_600.jpg"}}{{/hket:inline-image}}

王浩信今年三劇出街。（《踩過界II》電視截圖）

{{hket:inline-image name="800_4461b95a7322482acea72fce8de2a3e2.jpg"}}{{/hket:inline-image}}

陳展鵬睇好《愛回家之開心速遞》的劉丹得獎。（東星娛樂）

萬千星輝頒獎典禮2020｜王浩信憑《踩過界II》爭視帝成大熱 馬國明竟然唔係憑《降魔的2.0》入圍？（內附視帝視后提名名單）【下一頁】

近日，展鵬被指到睇中醫，報道指他想補腎追仔，他表示：「其實啲相係成年前影，只係帶老婆去睇中醫調理身體。我又唔係話要生好多，順其自然，不過，如果要生都可能係呢段時間，唔係生完冇力同佢玩。而家都差唔多兩年，都係同小豬比一齊生活，呢兩年基本上都好少見外面啲朋友，或者係帶佢返學，我哋都覺得佢有啲悶。」他直言這兩年是人生轉捩點，自己希望重新安排人生計劃，他說：「我媽媽之前病得幾嚴重，有呢個時間可以陪佢，度過艱難嘅時間，呢樣先係最重要。」

（↓點擊圖片放大↓）

採訪：Pauline
責任編輯：楊安莉