豐田辦繪畫比賽 讓孩子畫出夢想汽車

小朋友創意無限，黛安收到風，最近豐田舉辦「2021豐田夢想車創意繪畫大賽」，畀15歲或以下嘅小朋友或少年人參加，等佢哋畫出心目中嘅專屬夢想汽車，勝出者更有機會代表香港角逐世界大賽，贏取近$4萬嘅獎學金㖭！

今次比賽以年齡劃分3個組別，學童可用水彩、蠟筆、木顏色、水墨、彩色筆等畫出個人作品。每組冠軍可贏取$3,000商務印書館禮券，及$5,000汽油禮券；每組首3名優勝者嘅作品仲會角逐世界大賽，同全球超過80個國家嘅小朋友一分高下。