保陳卓賢偶像形象│花姐辯稱「認錯人」粉飾太平？ 陳曉華再被爆偕舊愛狄以達行街

2018年香港小姐冠軍陳曉華（Hera）近日被踢爆跟人氣組合Mirror成員陳卓賢（Ian）交往甚密，被拍到二人一齊共進晚餐之餘，Hera更會不時使用Ian的座駕代步，關係非淺。報道出街之後，Hera回應傳媒時稱：「大家認識嘅，工作以外嘅事唔回應喇。我會努力工作，希望大家見到我進步。」不過後來轉口風，她回應本報時突然說：「目前仍然係單身，大家認錯人啦！私人事唔講咁多，謝謝！」無獨有偶的是Ian的經理人花姐黃慧君回應傳媒時同樣稱車入面的人不是Ian，希望為Ian澄清，不過花姐未能解釋到為何該車車牌正是Ian早前所開設的公司所登記，而開車人真的不是Ian？

2018年香港小姐冠軍│陳曉華被踢爆戀上Mirror陳卓賢 粉絲留言轟Hera：「你照吓鏡」【下一頁】

Hera同Ian的關係未明，不過今日再有傳媒踢爆Hera日前偕舊愛狄以達（前名：狄易達）行街購物，兩口子戴住口罩一齊逛家品店，完事後一齊到停車場取車，傳她向Ian派帽，惹來三角戀疑雲。未知是否捲入新聞之中，狄以達的IG戶口被發現突然清空，令人非常疑惑。不過Hera今次一連兩單新聞，已經令她大受影響，IG不斷有Ian的粉絲留言攻擊，「希望你可以放過Ian」、「 超黑仔，比（畀）妳利用黎做（嚟造）新聞，放手啦妳!」、「點解唔揀返TVB藝人要揀Ian」、「唔好搞我魚仔ar」、「一日之内妳知名度提高唔小(少)，真係恭喜妳」、「如果你不放過他我連你屋企人都鬧 」、「你不知醜，你又不是靚女，你搞陳卓賢，陳卓賢不啱你的，求求你放過他」等等被洗版。

【萬千星輝賀台慶】港姐陳曉華揸巴士贏38萬大獎 楊明羅浩銘各得10萬和5萬獎金【下一頁】

不過Hera粉絲見到偶像被罵都挺身而出反駁，亦有網友留言說：「Ian都27啦，就算係真拍下（吓）拖都好正常，又唔洗（使）發哂（晒）癲咁去話人既（嘅），唔通想自己個偶像孤獨終老咩？唔拍拖點搵零（靈）感寫歌，正常小小(少少）啦唔該！」至於Ian對緋聞完全沒有回應，繼續在社交平台宣傳他的新歌，又為自己的歌曲入圍「叱咤樂壇我最喜愛的歌曲」拉票。

責任編輯：楊安莉