36歲的林景程最近於電視熒幕上「老是常出現」，TVB四線劇中三套劇他都有份演，包括《使徒行者3》、《踩過界II》及昨晚首播的《香港愛情故事》，連早前於《歡樂滿東華》中獻唱，曝光率好高啫！
飾演社團大佬張振朗的手下King。(《使徒行者3》電視截圖)
演律師Thomas，是秦沛徒弟。(《踩過界II》電視截圖)
演地產經紀Henry。(《香港愛情故事》電視截圖)
一連三套劇都有份。(林景程IG)
不少網民大讚林景程唱歌好聽，他說不太滿意是次表現，希望下次唱好啲。(《歡樂滿東華》電視截圖)
《歡樂滿東華》︳林景程翻唱張敬軒歌曲有驚喜 今屆10位「卡拉之星」逐個數 【下一頁】
他接受本報訪問時表示︰「其實我之前有成年半無劇出，但我一路冇停手拍劇，咁啱今次一次過播晒三套劇，好榮幸！」劇中他分別演社團大佬手下、律師及地產經紀，角色有不同的發揮空間，演技亦獲觀眾讚賞，「演員得到觀眾認同係好開心嘅事！同埋噚晚《香港愛情故事》首播，感受好深，因為呢套劇係我入行以嚟，第一次編審叫我可以隨意改角色特徵同改劇本對白，彈性好大！」
呢位地產經紀好有喜感。(《香港愛情故事》電視截圖)
介紹單位嘅方式好特別。(《香港愛情故事》電視截圖)
落力說服呢對情侶。(《香港愛情故事》電視截圖)
監製叫他演繹時盡量不要模仿周星馳，「我絞盡腦汁去諗一個地產經紀要點，佢係好talk得，又會講吓人生道理，『點解要買樓？』，成件事好哲學。咁我第一樣係諗到子華哥 (黃子華)，我準備角色嗰排不斷睇佢棟篤笑，再著手去諗點演。」
「棟篤笑地產經紀」都有正經一面。(《香港愛情故事》電視截圖)
仲有金句？(《香港愛情故事》電視截圖)
林景程在2009年參加歌唱比賽《超級巨聲》後加入無綫，至今已11年的時間。今日他出席《長期服務暨傑出員工榮譽大獎頒獎典禮》拎「10年服務獎」，問到他會否期望攞「飛躍進步獎」？「隨緣喇，有提名都得！呢個又係另一種感受，而家拍緊《白色強人2》，發現自己仲有好多嘢要學，好green。『10年服務獎』對我嚟講唔係老人牌，而係新人牌。」
今年拎「10年服務獎」，恭喜晒！（《晴報》林良明攝影）
提到《香港愛情故事》，他與表弟林正峰都有份演出，是第一次一齊拍劇。林景程笑指：「阿峰係爸爸嘅妹妹嘅仔，不過以前好疏堂，冇咩點見，(有冇鼓勵佢入行？) 嗰陣拍《是咁的》，麥明詩話原來阿峰係我表弟，我仲問『邊個表弟？』，後來先有印象，好細個時見過，係入咗行先相認。（有冇過兩招畀佢？）邊有資格，見佢都做得幾好，幾有天份。」
呢對表兄弟入咗行先相認。(林正峰IG)
兩老表第一次一齊拍劇。(《香港愛情故事》劇照)
26歲的林正峰畢業於香港大學社會工作學系，除了是《#後生仔傾吓偈》主持外，還是一名註冊社工。入行以來他主要擔任主持工作，現在還有參演劇集，在《香港愛情故事》中演龔嘉欣弟弟，是一名「宅男廢青」；亦有份拍《兒科醫生》及《刑偵日記》等，令人期待這位新人的表現。
有睇《#後生仔傾吓偈》對佢應該唔陌生。(林正峰IG)
第一次有較多戲份。(《香港愛情故事》劇照)
演石修個仔。(《香港愛情故事》劇照)
《兒科醫生》演實習兒科醫生，同鍾嘉欣有唔少對手戲。(林正峰IG)
【使徒行者3 X 踩過界II】蔡思貝張振朗連出兩劇觀眾睇到亂 原來有超過10個演員「老是常出現」【下一頁】
採訪：楊安莉
撰文：林惠珊