「世界心臟日」綫上跑 全球跑手大步走

抗疫大半年，大家都少咗出去活動，黛安聽公關姊妹講，香港心臟專科學院今年特別推出以綫上形式進行嘅「世界心臟日2020心動連線」，鼓勵大家抗疫不忘多做運動，而且不限地區，歡迎全世界參加者參加！

姊妹話，活動即日起接受報名，比賽日期由今個月15日至12月14日，賽事分為個人組和家庭組，可以係跑步、慢跑、急步行、跑山，或者跑步機，只要用智能手錶或者手機App，將運動軌迹紀錄落嚟，然後上傳至網站就得。完成目標嘅跑手可以獲得吉祥物「阿讚貓」獎牌，同埋一系列別注版「阿讚貓」精美紀念品㗎，跑得愈多，獎品就愈豐富。家庭組仲有最有活力家庭攝影大賽，勝出嘅家庭可獲得頭戴式心律計，或運動數據追蹤手環1份。詳情可參考【按此】瀏覽。