戶戶小廚進駐九龍灣 新店開幕有75折優惠

黛安聽公關姊妹講，戶戶送第4間「戶戶小廚」已進駐九龍灣，面積逾3,000呎，共有7間餐廳加盟，包括芽莊、深水埗文記車仔麵、PizzaExpress、Cafe Siam等。為慶祝新店開幕，即日起至11月2日，消費滿$200即可享75折優惠！

食客可用戶戶送App訂購「戶戶小廚」食品，除咗上述餐廳外，多個虛擬品牌嘅原創美食都提供外賣或自取，包括PizzaExpress嘅「The Pasta Project」、深水埗文記車仔麵創立嘅「戰鬥雞--馳名麻辣雞煲火鍋」，大家可以試下。戶戶送香港區總經理羅家聰仲話，嚟緊目標係將「戶戶小廚」嘅廚房數目增加1倍至50個以上，以後叫外賣有多啲選擇喇。