【淘寶水果】淘寶買芒果滿佈生猛寄生蟲 港婦斥果肉超酸腐爛發黑

夏天必吃的水果非芒果莫屬，不過有港婦近日透過淘寶網購芒果運港，卻發現果肉腐爛發黑，而且更藏有白色生猛寄生蟲。有果欄專家表示，內地水果運送至香港的時間較長，途中可能缺乏溫度控制，導致水果容易「焗熟」及撞爛。

有女網民今日（31日）在facebook專頁「淘寶開心share」分享指，自己在內地淘寶網購芒果，發現今次的芒果尺寸比上次大，但形容味道超酸，而且切開時果肉發黑，更有白色寄生蟲在果肉上蠕動。事主指，已聯絡淘寶網店，暫時網店答應會付起責任，又指家中還有其他芒果，但由於太生未熟，仍未適合食用，所以未知其他芒果是否一樣有蟲。

帖文引起大量網友留言，有網友指出女網民也有一定負責，「其實天氣熱，生果易爛係人都知..但點解仲係咁多人要搏呢？你搏佢唔爛唔緊要...但一爛就開post... 一爛就負評個賣家，有冇諗過係淘果個（即你自己）嘅問題呢？」、「集運變壞定係直寄香港變壞先？依家天氣咁熱好易焗壞」

水果專家：運港需3日 易將水果「焗熟」

「泰盛果欄」接受《晴報》訪問時表示，內地大型中轉倉和集運倉一般有溫度控制，加上國內運輸時間較短，因此水果「焗熟」的機會較低；然而，水果運送至香港，或需經多次轉運，小型中轉倉缺乏溫度控制，加上運輸時間長達2至3日，令水果容易「焗熟」及撞爛。

她指出，雖然這類水果價錢較便宜，但水果易變爛，最終平均每個成本，與在本地水果店價錢差不多，親身揀選質素更有保證。她又分享揀芒果心得，如芒果表面要「巢皮」收水，通常味道都會較甜；另外，市民亦要留意食用時間，如果打算遲食可以挑選較生的，以免芒果過熟變壞。

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女
https://fb.com/HealthyLifeExpress/

撰文：陳樂彤