【疫境自強】自小家嘈屋閉被嚴母迫出好廚藝 港女失業樂觀自勉：無咩嘢捱唔過嘅

家家有本難念的經！有女網民近日分享成長經歷，表示自己家庭環境複雜，自小被媽媽訓練學煮飯，不僅放學要煮，連放假都要煮給家人吃，學不好更會被「兜把星」，溫情欠奉。惟長大搬出自住後，發現以前的「地獄式訓練」亦非全無用處，起碼現時懂得煮三餸一湯，笑言「起碼餓唔死自己」。她又指雖然近日失業，然而「以前一蚊粉絲煮熟撈豉油又一餐」，坦言「無咩嘢捱唔過嘅」，樂觀心態得到不少網民的稱許。

化名「一個人自己住」的女網民周四（13日）在Facebook專頁「Day Day Explode 日日爆」投稿，表示小時候家庭環境複雜，每天都「家嘈屋閉」，假如她被人欺負，家人都會認為「一定係我問題」，直言家庭缺乏溫暖。她又指自小便要為家人煮飯，不僅放學回家要煮，連假日都不例外；而媽媽的訓練方法亦相當嚴厲，

「當時小學三年班，佢叫我喺佢隔離睇一次，然後下次要識煮，下一次唔識煮，兜把星！」

直至長大後，事主搬出自住，雖然初時沒有太多錢，有時「一蚊粉絲煮熟，撈豉油又一餐」，不過自由度大增，想食甚麼都可以，形容「起碼唔使睇人面色過日子」。話雖如此，她卻明白當初媽媽的「地獄式訓練」並非壞事，起碼讓她學懂煮家常便飯，三餸一湯亦無難度，笑謂：

「然後到大個咗少少，搬離開咗屋企，終於知道媽媽當年教我煮飯其實唔係壞事，起碼我餓唔死自己......食得你飽，餓你唔死，無投訴先。」

及至近日，事主成為失業大軍的其中一員，不過心態仍然頗為樂觀，失業當日更做出2吋厚的蛋牛治給自己享用，坦言過往都是「跌跌撞撞咁過日子」，慶幸身邊一直有很多朋友支持及鼓勵，而且她一直都很節儉，甚少外出大魚大肉，相信「無咩嘢捱唔過嘅」。

帖文得到不少網民迴響，有多名網民留言稱有相似成長經歷，「我都係小學五年級就被逼學煮野食，當年父母都返工，我要煮畀成家人食」；亦有多人對事主的故事有所感慨，並鼓勵她要繼續努力生活，「童年可能充滿唔開心、委屈、恐懼，但你已經捱過，今日可以讚吓自己、欣賞自己煮得一枱好餸」、「心態好好，俾個叻你」、「加油！難關難過關關過」。

內容及照片獲「Day Day Explode 日日爆」授權轉載。

每朝索取《晴報》：精明生活．健康家庭．開心娛樂

撰文︰賴天兒