【生仔要考牌】子女貪玩吊起生蟹狂用竹籤插眼 港媽分享「救蟹」經過被轟玩弄生命

不少父母都會讓子女參與煮食過程，增進親子感情，惟近日有港媽分享與一對子女做蟹料理前，子女竟玩弄該蟹近1小時，不僅將牠吊起，更用竹籤插其眼睛，更稱想與牠「浸泡泡浴」；港媽更形容自己「冇眼睇」，只好「救走」牠去做料理。對此，大批網民炮轟他們玩弄生命，更怒斥該港媽沒有做好身教。

一名港媽昨晚（14日）在Facebook群組「今晚煮乜餸？？」發帖分享，指購買印尼蟹回家做泰式料理，形容此蟹非常生猛，與家中「兩隻馬騮（子女）」一起玩弄近1小時，期間既將蟹吊起，又用竹籤插其身體及眼睛，其子女更稱想「同佢浸泡泡浴」。她指當時已經「無眼睇」，

「嗱嗱聲救佢入廚房（做泰式料理），拆晒啲肉先慢慢品嚐！」

而該名港媽亦有感而發，表示假若每人都能選擇的話，都會希望「安樂死」，相信該印尼蟹也是；然而，凡事總有例外，

「當呢隻印尼蟹遇上嗰兩隻馬騮，真係『生不如死』⋯⋯」

帖文一出，隨即引起大批網民非議。帖文其後雖然被刪除，惟仍有不少人在網上轉載，批評港媽與子女行為不當，「要食佢唔緊要，做咩要虐待佢？仲要唔覺得有問題」、「不要玩弄食物（生命）」。同時，亦有人直斥該名港媽「唔識身教」，表示：「父母係要教小朋友珍惜食品，不是用來玩，對食物要感恩。」

每朝索取《晴報》：精明生活．健康家庭．開心娛樂

撰文︰賴天兒