有「台灣第一千金」之稱，出身自豪門世家的女星關穎，2013年同一樣咁有米嘅朱志威結婚，誕兩子一女，大女5歲，二仔和細仔分別3歲和2歲。
（關穎IG）
關穎不時於社交平台分享親子照片，3個小朋友經常都全身名牌服飾，其中大女就最誇張，經常同媽媽着母女裝，拎同款嘅名牌手袋。
（關穎IG）
近日關穎喺在社交平台，分享啱啱滿咗5歲嘅囡囡，戴上Tiffanyandco同Bulgari手鏈嘅相，提到係女兒出世時收到嘅禮物，依家終於有機會戴上。手鏈戴喺阿女手上仍然係有啲鬆，一隻小手就戴住價值近萬五蚊嘅手飾都未係最老積，阿女雙手仲搽滿七彩顏色嘅指甲油，好似一個少女咁。
（關穎IG）
身為家中唯一的千金，關穎嘅囡囡自小受盡寵愛，被媽媽打扮得非常貴氣，更不時穿上母女裝，以及孭上媽媽準備嘅同款迷你名牌手袋，包括有Hermes、Chloe、CHANEL、BVLGARI等，母女出場盡顯貴氣。在關穎早前貼出的照片中，女兒就背上CHANEL 2020年最新款的迷你手袋，要價15,200元。
（關穎IG）
（關穎IG）
（關穎IG）
唔少人主張富養女兒，圈中都曾經有其他人因為細細個就畀囡囡用名牌惹爭議。
陳冠希前年聖誕節於社交網上，分享囡囡好安靜咁坐喺裝滿玩具的箱入面玩嘅可愛樣，並留言：「ALAIA’S TOY CHEST（Alaia的玩具箱）。」不過大家發現Alaia嘅「玩具箱」價值不菲，係LV與潮牌Supreme2017嘅聯乘產品「Malle Courrier 90 Red Trunk」，公開發售時定價為美金＄68,500（約港幣＄540,000），後來被炒上瘋狂價位，甚至有拍賣場以美金＄125,000（約港幣＄1,000,000）成交，而已仲有持續升值空間，被稱為「天價收藏品」！
（陳冠希IG）
大劉太太甘比擁有超大量Hermès手袋，mini bag、Kelly clutch，各款絲巾水桶、長帶Jypsière，以至巨型的50cm Birkin等，各款各式樣樣齊，連佢嘅囡囡劉秀樺1歲半時，已擁有價值4至5萬嘅Hermès Kelly Doll。
（東星娛樂）
網民對於應唔應該畀小朋友接觸各類型奢侈品作出熱烈討論，有人認為咁樣會影響小朋友嘅價值觀；但亦有人認為有錢人嘅兒女，都注定一生人嘅價值觀係同普通人家唔一樣，對佢哋嚟講買一個名牌都只不過係散紙，但可能就係平常人嘅一年收入。好多人都認為小朋友用名牌都唔係咩大問題，最重要係父母真係負擔得起，量力而為。
撰文：黃蘊姿