7-Eleven兩款小食套餐 消暑醫肚抵食方便

夏日炎炎正好眠，午後歎下午茶餐補充腦能量相當重要。公關姊妹同黛安報料，7-Eleven最近推出兩款小食套餐幫大家「Take a Break」，兩款套餐都配上極爽消暑嘅可口可樂畀大家大啖歎，仲有得揀零系、加系呢啲瘦身人士必備之選，更加唔少得雪碧同忌廉呢啲經典口味。

睇番兩款小食套餐，售$24嘅「大啖雞髀餐」，顧名思義梗係有大大隻雞髀畀你揀，仲有齊4款7-Signature嘅人氣口味雞髀，唯一不變嘅係一樣咁嫩滑多汁，而且叮一叮就食得，隨時醫到肚，夠晒方便。

只售$20嘅「滋味小食套餐」，就備有5款7-Signature嘅經典小食，好似王牌點心拼盤等，想自己食又得，同屋企人分享又得，真係又平又抵食，兩款套餐都一樣咁美味。今次優惠期做到9月1日，黛安都買咗唔少放喺屋企雪櫃當儲糧，就算肚餓都可以居家抗疫唔使周圍去啦。