【剪髮中伏】男子光顧尖沙咀髮型屋疑「中伏」 妻子列4大伏位：屈完一樣又一樣

光顧理髮店時定要跟髮型師溝通清楚，以免產生誤會。有女網民分享，指其丈夫日前到尖沙咀一間髮型屋理髮，未料髮型師未交代細節已叫事主洗頭，其後更無視客人要求，「手起刀落」為事主「剷青」。對此，樓主表示大感「中伏」，遂發文列出4大「伏位」，提醒一眾網民多加注意。

伏位1. 未交代詳情就叫客人洗頭

一位女網民本周二（23日）在Facebook群組「將軍澳討論區」發文，表示當日其丈夫到尖沙咀一間髮型屋理髮，未料入內後發現職員「成班都係『MK仔』、『MK妹』」，二人見況本想「走人」，惟職員「未講啲咩就叫咗你去洗濕定個頭」，樓主形容當時「已經覺得伏咗」。

伏位2. 「手起刀落」無視客人要求

樓主表示，該名為其丈夫服務的髮型師「個樣好似精神有問題咁」，她形容，

「髮型師佢自己個頭唔知點解濕晒，講嘢把聲『死吓死吓』，好似發緊夢咁」。

她又指，其丈夫向該名髮型師提出「想修短少少」，對方卻彷彿啟動了「自動航行模式」一般，「一起手不停剪同不停用剷剷我老公個頭髮」，期間該名髮型師更不時看電話，未有注意客人「講話只係想修短」。

伏位3. 態度惡劣反駁客人

後來樓主丈夫終於「頂唔順」，詢問該名髮型師「點解要剷到咁青」，對方卻反駁指「係你自己話想剪短」。樓主表示，最令人感崩潰的是，該名髮型師替其丈夫理出一個「陸軍裝」髮型，形容「頭頂嗰啲（頭髮）勁長完全無剪過，後面同兩側剷到青光晒」，對方態度更是惡劣，「連一句唔好意思都無」。

「從來未試過（遇到）咁癲嘅髮型師，仲要屈返你轉頭同你嘈話係你要求咁剪。」

伏位4. 不明文收取額外費用

樓主指，髮型屋門口標註「$198洗剪吹」，埋單時卻收費200多元。二人隨即詢問職員原因，對方卻稱事主「要指定髮型師」，因而需要收取額外費用，令樓主大感不滿，

「我老公佢今次第一次上嚟，點會指定髮型師呀？屈完一樣又一樣。」

樓主遂在網上發文，提醒「各位巴絲打們唔好上當，千祈唔好中伏！」。有網民看到帖文後，表示「好的髮型師難求！我都遇過，畀佢剪短過龍真是好氣頂！」；亦有將軍澳街坊推薦自己一直光顧的理髮店予樓主。

每朝索取《晴報》：精明生活．健康家庭．開心娛樂

撰文：蘇麗儀