電視「壞咗」更吸引

一個「壞咗嘅人」閉關14個月後，終於重出江湖試水溫。許志安日前為ViuTV的音樂節目《Chill Club》錄影，吸引大批傳媒到場採訪，場面墟冚。安仔除了剖白復出心情，還在節目上獻唱了兩首歌，包括我喜歡的《半天假》。節目尚未播出，但觀乎外界反應，放了不知多少個「半天假」的安仔，今次算是順利過關，還把《Chill Club》點石成金，曝光率大增。

ViuTV近期奮力搞好音樂節目，三位主持趙學而、羅敏莊及駱振偉都是唱得之人，他們選唱的舊歌雖較《流行經典50年》冷門，卻甚有驚喜。如果睇慣大台的歌手演出，情況就如《復仇者聯盟4》魁隆的彈指一出，把宇宙一半的歌手都消失了，然後ViuTV邀請他們做嘉賓，逐一復活。節目更增設推介榜，每周倒數十大排名，說不定到年底，可以搞一個類似十大「超級」勁歌頒獎禮。唯一美中不足，是每逢周日晚上，《Chill Club》竟與《流行經典50年》同時段播出，幸好可以網上重溫，換了在80年代，不知會令多少個家庭爭電視。

其實ViuTV與香港開電視皆漸見成績，這邊廂，《Chill Club》以靚歌把我帶進時光隧道，聽出耳油。那邊廂，開電視的《30分鐘大放餸》則以美食攻陷我的味蕾，步驟簡單易明，兩個節目同樣有睇頭。（本欄逢周五刊登）