【故事好感人】梁漢文新歌《再見童夢零》MV邀袁富華助陣 鼓勵大家不忘初心繼續追夢

暌違5年，梁漢文（Edmond）將於今年10月再次登上紅館舉行演唱會，近日忙於為個唱積極備戰的他，日前推出新歌《再見童夢零》，不過今次Edmond不會參與新歌MV演出，誠意邀請金像獎最佳男配角袁富華（Ben）及新一代演員陳健朗助陣，夠晒噱頭。

相關新聞：飲Sammi「縮水湯」 暴脹梁漢文激減6磅

{{hket:inline-image name="527A3394_s.JPG"}}{{/hket:inline-image}}

（圖：寰亞相片）

{{hket:inline-image name="527A3364_s.JPG"}}{{/hket:inline-image}}

（圖：寰亞相片）

Edmond為了感謝袁富華及陳健朗在烈日當空下辛苦拍攝，他專程跑到1898年已立村的錦田吉慶圍MV拍攝現場探班，並親手送上冰涼飲品為團隊解暑。Edmond說：「真係辛苦大家！我好想親自多謝Ben sir、導演Welby Chung同陳健朗，因為好耐冇新歌出，所以今次係想做一首有意義嘅歌。」

{{hket:inline-image name="4.jpg"}}{{/hket:inline-image}}

（圖：寰亞相片）

{{hket:inline-image name="527A3441_s.JPG"}}{{/hket:inline-image}}

（圖：寰亞相片）

至於新歌為何叫《再見童夢零》，Edmond透露：「其實『童夢零』係好耐以前嘅一架概念跑車，但冇生產過，喺呢度就代表咗人嘅一個夢想。人到咗某個歲數，當你以為自己嘅童夢應該早已完了，但一件以前屬於超級劃時代嘅玩具，卻可能會令你再次想起，曾經得到過嘅快樂，其實從來都唔會變得落後。」 

{{hket:inline-image name="3.jpg"}}{{/hket:inline-image}}

（圖：MV截圖）

{{hket:inline-image name="2.jpg"}}{{/hket:inline-image}}

（圖：MV截圖）

Edmond坦言這個「童夢零」跑車玩具，一直是他的收藏品，不過最近一次偶然機會下，才再次在他面前出現，他說：「近排大家都多咗時間留在家，有日我在家收拾時，發現以前一個歌唱比賽的小禮物『童夢零』模型車，我想透過呢件事，提醒番大家原來都有你心目中嘅『童夢零』，例如我嘅初心，就係當初點解參加小型歌唱比賽，所以用咗呢個方向喺2020年同大家見面，希望大家都有同我一樣嘅感覺。」 

{{hket:inline-image name="1.jpg"}}{{/hket:inline-image}}

（圖：MV截圖）

{{hket:inline-image name="5.jpg"}}{{/hket:inline-image}}

（圖：MV截圖）

《再見童夢零》MV故事講述飾演父子的袁富華及陳健朗一向不甚咬弦，兒子自少甚有彈鋼琴天份，不過身為車房老闆的父親本為老粗一名，對此完全不懂欣賞，更將兒子的鋼琴比賽奬品「童夢零」模型車打個粉碎，其後父親有次偶然看到兒子在朋友間表演，明白到兒子真心喜歡音樂，最後支持兒子出國留學，並在送別兒子時，送上他買的童夢零模型車以示祝福。袁富華直言故事十分感人，可惜Edmond不參與演出，他說：「我好鍾意個故事，做藝術、音樂呢行嘅人會感受比較深，其實大家都好想得到家人嘅支持同鼓勵，不過事實係唔容易。」

撰文：倪小珊