【沙田區朋友注意】偷鞋賊流連馬鞍山屋邨贓物放拍賣平台 物主偵探上身憑3大線索「破案」

住沙田區的朋友要注意！日前有馬鞍山居民指其一對波鞋在門外被偷後，忽發奇想到二手物品拍賣平台搜尋，果然找到疑似失物，最終憑3大線索確認所拍賣波鞋是屬於他，遂假扮買家相約疑似偷鞋賊交收，成功取回失物，並警告對方。他指偷鞋賊主要在沙田區、第一城、馬鞍山等地「獵食」，呼籲街坊留意，又提醒大家切勿把鞋放出門外，以免再有人中招。

該名住在馬鞍山屋邨的男網民在網上討論區「連登」發帖，指他放在家門前地氈上的一對波鞋突然消失，「咁我就懷疑有人偷咗啦……我都打定輸數，當我唔好采，諗住買過對。」他懷疑竊賊可能將鞋變賣圖利，遂上拍賣平台搜尋，「我就search我對鞋，再filter揀『最近期』，點知真係畀我搵到我對鞋！」

{{hket:inline-image name="shoe150520201.JPG"}}{{/hket:inline-image}}

樓主憑著鞋上污點（紅點示），認出該對鞋是屬於自己。（「連登」圖片）

他指出，自己憑著平台上所賣波鞋的污點，認出該對鞋是屬於自己的，

「我對鞋本身左腳個隻有一點污糟咗，所以好易認，再睇埋鞋碼都係一樣46號，再睇一睇出po時間，係22個鐘之前，正正就係我唔見對鞋個個鐘數，時間吻合。」

{{hket:inline-image name="shoe150520203.JPG"}}{{/hket:inline-image}}

涉事賣家出售大量不同尺碼的鞋子。（「連登」圖片）

其後為了進一步確認，他仔細查看賣家所賣之物，赫然發現內有大量不同尺碼的鞋子出售，

「點知佢出po全部都係鞋有10幾20對鞋，正常人邊着到咁多？再講，佢放嘅鞋對對都唔同size嘅，佢對腳時大時細？講唔通啦，所以都幾肯定佢係偷鞋返嚟賣嘅。」

{{hket:inline-image name="shoe150520202.JPG"}}{{/hket:inline-image}}

涉事賣家目前已將帳號改名並刪除所有「貨品」。（「連登」圖片）

由於他仍未將失物的鞋盒丟棄，因而將涉事波鞋鞋舌上的產品序號，與鞋盒上的序號作對比，結果顯示是一模一樣，

「事關佢影個鞋碼label張相真係有影到個serial number（產品序號），咁我就即刻去拎個鞋盒同張相對number啦，點知真係一樣，每件貨品嘅serial number都係獨一無二嘅，所以我肯定呢對就係我對鞋，更加證明佢就係個賊！」

{{hket:inline-image name="shoe150520204.JPG"}}{{/hket:inline-image}}

{{hket:inline-image name="shoe150520205.JPG"}}{{/hket:inline-image}}

波鞋上的產品序號與鞋盒上的序號經對比後，結果是一模一樣。（「連登」圖片）

確認正是屬於自己的失物後，他便假扮買家，相約賣家出來交收，「我一拎到對鞋之後就即刻同佢攤牌，我就同佢講，我有同呢對鞋一樣序號嘅鞋盒，仲有屋苑個CCTV影到晒你，講都未講完佢就笠水轉身走咗。」事後，他再次經WhatsApp苦勸對方收手。由於失物已找回，警方未必受理，他因此只好作罷，轉而在網上發文公開此事。

樓主續指，自己與其他街坊十多年來，都習慣將鞋放在門外；但此事後希望警惕所有人，切勿將鞋放在門外，「咩airmax、UB yeezy乜都有，真係講個信字，但係今次之後原來唔係所有人都信得過。」他續指，涉事偷鞋賊在拍賣平台上的帳戶現已改名，並已將所有「貨品」刪除，不排除對方在風聲過後再犯案，

「佢主要喺沙田區第一城馬鞍山呢啲地區活動，住沙田馬鞍山嘅巴絲就特別留意！」

責任編輯：李凱晴