【唔駛捱炒價】上台出Switch+動森諗得過？教你如何零機價入手仲唔駛預繳

早排Nintendo Switch及《集合啦！動物森友會》遊戲大缺貨，價格一度炒至近倍。近期推5G計劃的csl.，就繼上個月上台送PS4後，今個月再接再厲推出「Nintendo Switch主機5G優惠服務計劃」，以零機價出Switch或Switch Lite仲跟埋動森實體版遊戲！隨著Switch街價開始回穩，究竟揀上台出機有無著數？

電訊公司csl.今日（8日）起推出「Nintendo Switch主機5G優惠服務計劃」，客戶選5G 274元月費計劃，就可以拎走Nintendo Switch主機及大熱遊戲《集合啦！動物森友會》實體版遊戲。此外，指定大專院校學生更可享免預繳出機及額外月費回贈優惠，變相更抵。

{{hket:inline-image name="0508WLfeaturepage318OK.jpg"}}{{/hket:inline-image}}

{{hket:inline-image name="0508WLfeaturepage319OK.jpg"}}{{/hket:inline-image}}

csl今次明顯主打旗下5G服務，不過同普通5G月費計劃比較及計埋預繳後，一般客戶選用5G計劃並不算特別抵玩，而且要用得著，首先有部5G手機，出機又是另一筆開支。所以最抵一定喺大專生專享嘅4G計劃，只須簽約24個月，就可以用$275實際月費（$298月費+$18行政費+$39增值服務-$80額外月費回增）享12GB數據，兼零機價出Nintendo Switch連動森遊戲，又或者以$245月費（$298月費+$18行政費+$39增值服務-$110額外月費回增）出Nintendo Switch Lite連Game。如果用信用卡自動轉帳交月費，更加可以免預繳，享「真．零機價」即時出機及Game！

{{hket:inline-image name="0508WLfeaturepage320OK.jpg"}}{{/hket:inline-image}}

▲≪集合啦!動物森友會≫特別版Switch主機。

如果屋企有大專生咁啱完約又想上台的話，可以考慮出返部俾全家人一齊玩動森。順帶一提，今次上台出Nintendo Switch仲可以揀之前熱炒嘅動森特別版Switch主機（不過應該限量），如果有貨一定要揀，因為同藍紅色原版主機功能無分別，同樣是加大電量版。至於兩款Switch嘅分別，就係Lite無得駁電視玩，只能以手提模式玩。

撰文：唐婉琦

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/