【張栢芝緋聞男友】釗峰曬「婚照」自爆秘密結婚 網上數臭港女「老婆」脾氣大

梁釗峰（釗峰）入行至今鮮有緋聞，但今日卻突然自爆「秘婚」，就連「婚照」亦都首度曝光；不過最爆的是，釗峰因難忍「港女太太」脾氣太臭，竟然大膽到在網上寫衰老婆，他無奈表示：「你睇吓張結婚相，我完全目無表情，一睇就知我係唔想結婚嘅。」

相關新聞：梁釗峰樂壇佛系求生術

{{hket:inline-image name="DSC04969.JPG"}}{{/hket:inline-image}}

（圖：寰亞相片）

{{hket:inline-image name="DSC04993_s.JPG"}}{{/hket:inline-image}}

（圖：寰亞相片）

其實是因為釗峰最近創作了一首新歌《佚名》並拍了一支MV，歌詞描述他是一位忍受不了老婆壞脾氣，要起來反抗的小男人，釗峰表示：「我喺MV入面係做一個『下靶』老公，因為老婆實在太麻煩，所以成日上網寫衰老婆，但又唔敢用真名，所以歌名叫《佚名》就係咁意思。」不過因為釗峰在故事中是在不情願的情況下結婚，所以當工作人員拿著他的假結婚照片時，他也不禁搖頭嘆息：「我冇幻想過自己將來結婚會係點樣，不過一定希望唔會係咁樣，你睇吓張結婚相，我完全目無表情，一睇就知我係唔想結婚嘅。」

{{hket:inline-image name="DSC05117.JPG"}}{{/hket:inline-image}}

（圖：寰亞相片）

{{hket:inline-image name="DSC04967_s.JPG"}}{{/hket:inline-image}}

（圖：寰亞相片）

由於在MV中飾演他妻子的女演員是貨真價實懷孕五個多月的孕婦，所以釗鋒難掩他的暖男本色，對「老婆」關懷備至，完全惡不出來，他說：「懷孕女性對飲食、空氣、環境都會比較敏感，加上近排的疫情，所以我同身邊同事都會不時問吓佢感覺如何，唔使埋位果時都會叫佢坐喺度先，都怕人多擠迫地方令佢唔舒服。」

{{hket:inline-image name="DSC05092_s.JPG"}}{{/hket:inline-image}}

（圖：寰亞相片）

{{hket:inline-image name="DSC05128.JPG"}}{{/hket:inline-image}}

（圖：寰亞相片）

釗峰亦自爆他每個MV均離不開的「床戲」，他解釋：「我近排幾首歌嘅MV都有床上瞓覺戲，上次《28天》係咁，《月亮不代表我的心》就伏喺度瞓，可能我個瞓覺樣好得意，所以導演們咁喜歡。不過今次嘅床戲就係兩個人嘅，重有動作場面添，激唔激烈？激㗎，激到我碌咗落床添，不過係講我發完夢重回現實，俾身邊老婆嚇親而碌落床，大家想睇我嘅動作場面就要留意番個MV喇。」

{{hket:inline-image name="DSC05011_s.JPG"}}{{/hket:inline-image}}

（圖：寰亞相片）

{{hket:inline-image name="DSC05017_s.JPG"}}{{/hket:inline-image}}

（圖：寰亞相片）

釗峰是組合C AllStar主音，今年33歲的他性格溫文儒雅，09年入行至今都保持健康形象，甚少有負面新聞傳出，惟獨13年驚爆與謝霆鋒前妻張栢芝傳出「姊弟戀」，當時更有傳栢芝半夜「偷運」小男友釗峰返香閨過夜，不過後來釗峰澄清兩人僅工作上碰面，私底下並不常見，直接否認這段「新峰芝戀」。不過最搞笑的是，前年栢芝誕下第三胎Marcus，當時竟有傳言指釗峰是BB的爸爸，但其實栢芝至今都沒有向外透露BB的生父是誰。

{{hket:inline-image name="22f94a129274c3f177810f817980a8ba.jpg"}}{{/hket:inline-image}}

（圖：東星相片）

{{hket:inline-image name="b6794f23c85aeb55dfc2842d9bf43d66.jpg"}}{{/hket:inline-image}}

（圖：東星相片）

撰文：Pat