IKEA捐2000份童心抗疫包 助兒童快樂抗疫

全港幼稚園同小學停課已經兩個多月，小朋友喺疫情下難免悶悶不樂，因為好多遊樂場都封了，基層家庭嘅小朋友玩具唔多就更加唔開心。黛安知道，IKEA最近捐出2,000份童心快樂抗疫包畀呢啲小朋友，裏面有小熊Fabler、顏色筆同畫紙等文具，非常有愛啊。

黛安聽公關姊妹講，IKEA好希望能透過唔同形式，為社會帶來多點色彩，所以IKEA今次夥拍香港社會服務聯會，為超過25間兒童暫託院舍同支援基層家庭兒童嘅機構，送上呢批童心快樂抗疫包，畀小朋友喺停課期間能透過塗顏色、繪畫或摺紙等活動輕鬆下；而毛公仔小熊Fabler更加係小朋友嘅好拍檔，笑咪咪咁傾聽小朋友心事，紓緩因疫症同突然停課所帶來嘅無形壓力。佢哋真係諗得好周到啊，黛安一定要畀讚！