今日唐詩詠突然上載中三箍牙時期的舊相，表示是童年的瞬間，還說這張相十分難得：「翻開舊照片，發現中三的我，然後影咗15分鐘都係好朦，最後發現原來張相用咗磨砂過膠。究竟邊個發明磨砂過膠咁聰明，佢就好比今日嘅美圖秀秀，係咪因為咁，個人立刻白雪雪咗呢？依家仲有冇過膠服務?」不少網民讚她由細靚到大是校花，「中三已經咁靚女」、「清純可愛」、「冇點變過」，亦有人指束短髮的她很像男仔。連王浩信都留言：「Saving哥，當年喺ICQ約咗佢，但係最後冇出現嘅嗰個人......」笑言可拍《不懂撒嬌的女人》番外篇，而唐詩詠就笑言：「佢掛住上網打機，冇出到去。」
(唐詩詠instagram截圖)
{{hket:inline-image name="20.jpg"}}{{/hket:inline-image}}
(TVB劇照；唐詩詠instagram截圖)
本來，唐詩詠大爆多年黑面原因，表示那時候因為箍牙，所以從此不喜歡笑，常常黑面，仲話後來加入TVB後才改過來：「入行後有朋友提我要笑，否則會冇運行。」不過她很快就刪除這幾行文字。另外有網民就問她與誰去沙灘，她亦於更新後的文章中解釋：「唔知點解興一班朋友去影相。」
(唐詩詠instagram截圖)
其實唐詩詠曾上《兄弟幫》講過箍牙令她度過一段低潮日子，她表示自小因為有2隻爆牙，被媽媽勒令一定要箍牙，所以她中一至中四都是箍牙，無人追求，慢慢欠缺自信心，不但只敢遠遠觀望心儀師兄打籃球，甚至連出街也不敢出。她笑言以前是乖學生，只是經常睡過頭遲到，但沒有被學校記過。慶幸箍完牙，唐詩詠馬上變靚，很快就有個每天搭同一架小巴上學的Bob「瘦版林盛斌」師兄追求她。拍拖後對方送上鑽石戒指給唐詩詠，嚇到她馬上拒絕收下禮物，提出分手，於是這段初戀就草草結束。早幾年，唐詩詠重遇對方，大讚對方Keep得好好，好靚仔，後悔當初分手決定：「細個就係唔識諗，而家後悔啦。」
(TVB電視截圖)
▼Bob以前有頭髮時期都曾經打過籃球
(林盛斌微博截圖)
入行後，唐詩詠與崔建邦多次離合、與洪永城分手、近期與馬國明、圈外人陳思銘的緋聞，都曾經引起熱烈討論。從前她性格較着急，但現時的她卻曾於訪問中表示會願意花更長時間去認識新對象，對於擺脫單身與否並不着急，反而想先做好自己，隨遇而安。她又表示，如果有新一段感情關係，她會希望雙方能為對方「互相叉電」，好似電話一樣，她解釋道：「我都要氹佢，我幫佢叉少少電，咁佢先可以幫我叉爆電話！男人都要氹！」
相關新聞：唐詩詠疑暗撻馬國明連日「蜜」會 陳思銘發文暗示情已逝借酒療傷
(東星圖片)
(東星圖片)
(唐詩詠instagram截圖)
(唐詩詠、陳思銘instagram截圖)
撰文：張芷晴