樂善堂夥熱心人 5萬口罩贈基層

市面上口罩供應仍少，價錢亦都唔平，基層真係好難負擔。黛安知道，最近九龍樂善堂成立咗一個「樂善堂口罩銀行」，短短一星期就獲得唔少熱心人捐贈外科口罩同防疫物資，佢哋今日（24日）起會喺社交平台「九龍樂善堂—樂善防疫情報站」專頁，連續5日公開網上登記，向合資格人士免費派5萬個口罩。

由於物資有限，首輪將分發畀九龍城區、油尖旺區及黃大仙區嘅基層家庭，包括領取在職家庭津貼人士同長期病患者等；今次係採取限時網上登記同隨機抽籤嘅形式派出，每位成功申請者可獲一包（10個）口罩，詳情可瀏覽樂善堂社交平台fb及IG「九龍樂善堂—樂善防疫情報站」專頁。

如果大家想捐贈物資或善款，可以透過WhatsApp熱綫6216 0957聯絡「樂善堂口罩銀行」㗎。