信和夥Deliveroo 外賣歎酒店級美食

新冠肺炎疫情持續，唔少人都少咗出街食飯，黛安覺得要保持心情開朗，食好嘢絕對係好選擇！香港人轉數好快，好似信和酒店旗下各餐廳就推出一系列豐富又養生嘅外帶或外送美食，除了直接透過皇家太平洋酒店、城市花園酒店、港島太平洋酒店、香港黃金海岸酒店及中環‧石板街酒店餐廳預訂，仲可以登入戶戶送（Deliveroo）手機程式訂餐外送，即使留喺家中都可以歎到酒店級美食！

例如中環‧石板街酒店嘅Gradini意大利餐廳，就推出3道菜意式外賣套餐，主菜包括扁意大利粉配時令蔬菜同半乾番茄、慢煮牛尾紅酒汁五穀飯等等，套餐均一價110元。皇家太平洋酒店柏景餐廳同沙嗲軒喺午市同晚市時段，分別可以訂購沙嗲串燒、黃金脆魚皮、星洲咖喱雞等自選亞洲菜式，3道菜特色美食包括家鄉福建薄餅、招牌海南雞飯同香草羊扒，都係98元起。惠顧滿指定金額仲有免費送餐服務。

中菜方面，香港黃金海岸酒店中菜廳「粵」亦有各式點心、中式小炒及多款麵飯外賣自取套餐，仲會輪流供應野葛菜生魚煲唐排、龍利葉枇杷葉雪梨煲豬𦟌、鮮淮山百合煲豬龍骨等滋陰潤肺湯品，等大家提高免疫力，繼續對抗疫情。